Haaptmenü opmaachen
D'Uewerfläch vun der Äerd (Computeranimatioun)

D'Äerduewerfläch ass d'Grenzschicht tëscht der fester Äerdkuuscht oder den Ozeanen op der enger an der Atmosphär op der anerer Säit. Si léisst sech no verschiddene Critèren an Hemisphären (vum griicheschen ἥμισυς hemisys „hallef“ a σφαῖρα sfaira „Kugel“) an Hallefkugelen andeelen, also an Hallschente vun der Äerduewerfläch.

Terrainshéichten op der Äerduewerfläch ginn op de mëttlere Mieresspigel bezunn. Dës Niveaufläch – d'Geoid – huet bal d'Form vun engem Ellipsoid an eng Uewerfläch vu 510 Millioune km², wouvu 70,8 % vu Miere bedeckt sinn.

Kuckt heizou den Artikel Äerd

Inhaltsverzeechnes

GeowëssenschaftenÄnneren

 
Weltkaart vum İbrahim Hakkı Erzurumi, 1756, mat Nord- a Südhallefkugel
 
Weltkaart vum Pieter van der Aa, fréit 18. Jh., mat Aler an Neier Welt
  • D'Geographie beschäftegt sech mat de Groussforme vun der Äerduewerfläch an hire Systemzesummenhäng.
  • D'Geomorphologie (Deel vun der Geographie) erfuerscht déi genee Form (de Relief) vun der Äerduewerfläch a (zesumme mat der Geologie) säin Entstoen.
  • D'Geodesie befaasst sech mat der Vermiessung vun der Äerduewerfläch an hirer Infrastruktur, souwéi – zesumme mat der Geophysik – mat dem Äerdschwéierfeld.
  • D'Pedologie ënnersicht déi iewescht, organesch Schicht vun der Äerduewerfläch.

De Buedem ass déi iewescht Verwitterungsschicht vun der Lithosphär (Gestengsmantel) an entsteet duerch Virgäng vun der Verwitterung an der Humusbildung, bei där Aflëss vu ville Geofaktoren zesummewierken. Duerch Verwitterung an aner exogen Prozesser gëtt déi iewescht Gestengsschicht vun der Äerdkuuscht zerklengert. Jee no Grad vun der Verwitterung an de chemeschen Eegenschafte vum Gestengs entstinn ënnerschiddlech Buedemaerten a Buedemschichten.

Glidderung no HemisphärenÄnneren

DatenÄnneren

D'Uewerfläch vun der Äerd huet 510 Millioune km².

LandflächÄnneren

Den Undeel vun der Landfläch ass ongeféier 148,9 Mio. km² (29  %); d'Land verdeelt sech op Kontinenter an Inselen:[1]

Kontinent Landfläch % Küst
Asien (ouni Polarinselen) 044,4 Mio. km² 031 % 057.000 km
Amerika (ouni Polargebidder) 038,3 Mio. km² 027 % 064.500 km
Afrika 029,3 Mio. km² 020 % 026.000 km
Antarktika 013,2 Mio. km² 009 %
Europa (ouni Island, Nowaja Semlja, atlantesch Inselen) 009,9 Mio. km² 007 % 031.460 km
Australien (mat Tasmanien) 007,7 Mio. km² 005 % 034.000 km
total 148,9 Mio. km² 100 % 356.000 km

D'total Längt vun de Küsten ass ongeféier 356.000 km.

WaasserflächÄnneren

Den Undeel vun der Waasserfläch ass zirka 361,2 Mio. km² (71 %); d'Waasser verdeelt sech haaptsächlech op d'Ozeanen:

Ozean % mëttelst Déift
Pazifischen Ozean 47 % 3870 m
Atlanteschen Ozean 24 % 3380 m
Indeschen Ozean 20 % 3600 m
Südlechen Ozean 05 %
Arkteschen Ozean 04 %

HéichtenÄnneren

Déi mëttelst Héicht vun den dréchenen Äerduewerflächendeeler berechent een op ongeféier 700 m (Europa 300 m, Asien 880 m, Amerika 610 m, Afrika 660 m, Ozeanien an Australien 300 m). hiren héchste Punkt op der Äerduewerfläch ass de Mount Everest mat 8.848 Meter, den déifste fräi zougängleche Punkt vun der Äerduewerfläch ass dat Doudegt Mier, deem seng Waasseruewerfläch – an Uferberäich – 423 Meter ënner Normalnull läit. Déift an der Moyenne vun de Mierer läit bei 3.500 m.

Aner HimmelskierperÄnneren

Verglach vun der Äerduewerfläch mat aneren Himmelskierper:

Himmelskierper Uewerfläch a km²
Jupiter 61.420.000.000
Saturn 42.610.000.000
Uranus 8.083.000.000
Neptun 7.620.000.000
Äerd 510.100.000
Venus 460.200.000
Mars 144.600.000
Merkur 74.760.000
Äerdmound 37.960.000

Déi total Fläch vun den 8 Planéite aus eisem Sonnesystem ass 120 Milliarden km² grouss. Den Undeel vun eiser Äerd ass manner wéi 0,5 %.

Kuckt ochÄnneren

Um SpaweckÄnneren

Commons: Hemisphären – Biller, Videoen oder Audiodateien

ReferenzenÄnneren

  1. Alle Angaben sind grobe Zahlen. Quelle: http://www.spacenews.de/