Doudegt Mier

D'Doudegt Mier (hebr.: ים המלח Yam HaMelach bzw. "Salzmier"; arab.: بحر الميّت Bahr al-Mayyit oder بحر لوط Bahr Lūt, "Mier vum Doud" ) ass e Séi, dee vum Jordan gespeist gëtt. E grenzt un Israel, dat vun Israel besate Westjordanland an u Jordanien.

Doudegt Mier

Land	Jordanien
Fläch	810 km²
Héicht. i. M.	-428 m

Geographie

D'Doudegt Mier ass ee 600 km² grousse Salzséi, dee keen Offloss huet. Seng Waasserfläch geet weider erof an däerft haut op engem Niveau vu 400 m ënner dem Mieresspigel leien. Dat ass dorop zréckzeféieren datt de Séi ausdréchent. Haut stellen d'Ufere vum Séi den déifsten zougängleche Punkt vun der Äerduewerfläch duer.

Salzgehalt

De Salzgehalt vum Doudege Mier erreecht bis zu 33 Prozent (28 % am Duerchschnëtt), wärend de Salzgehalt vum Mëttelmier nëmmen ongeféier 3 % erreecht. Well nëmme Waasser an dat Doudegt Mier eran a keent erausleeft misst de Waasserniveau jo theoretesch klammen. Dat ass awer net de Fall well duerch d'Hëtzt an de waarme Wüsteklima d'Waasser verdonst. Dat ass awer nëmme wouer wat d'Waasser ugeet; d'Mineralien an d'Salz bleiwen zréck, wouduerch den ëmmer méi grousse Salzgehalt vum Séi sech erkläre léisst.

Biologesch gesinn ass dëse Séi net dout, mä net vill Planze kënnen dran iwwerliewen. Nëmmen déi Planzen a Mikroorganismen, déi eng héich Salztoleranz hunn, bréngen dat fäerdeg.

Liese vun enger Zeitung am Doudege Mier

Kuckeswäertes

Touristesch interessant sinn Uertschafte rondrëm wéi:

• Ein Bokek,
• Neve Zohar,
• Oase En Gedi,
• Masada,
• Jericho,
• d'Kibbuzen an der Noperschaft,
• d'Hiele vun Qumran.

Um Spaweck

• Fotoe vum Doudege Mier (op jordanescher Säit)

Commons: Dead Sea – Biller, Videoen oder Audiodateien