Thelxinoe (Mound)

De Mound Thelxinoe (Jupiter XLII) ass ee vun de klenge Mounde vum Planéit Jupiter.

Thelxinoe
(Jupiter XLII)

Provisoresch oder systematesch Bezeechung	S/2003 J 22
Zentralkierper	Jupiter
Eegenschafte vum Orbit
Grouss Hallefachs	21.162.000 km
Periapsis	16.485.000 km
Apoapsis	25.839.000 km
Exzentrizitéit	0,2206
Ëmlafzäit	628,09 Deeg
Ëmlafvitess	2,45 km/s
Inklinatioun	151,417°
Physikalesch Donnéeën
Mëttleren Duerchmiesser	≈ 2 km
Dicht	2,6 g/cm3
Albedo	0,04
Visuell Magnitude (mag)	23,5
Entdeckung
Entdecker	IFA Hawaii
Entdeckungsdatum	9. Februar 2003

Entdeckung

Den Thelxinoe gouf am Joer 2004 op Fotoen entdeckt, déi den 9. Februar 2003 vun Astronome vun der Universitéit vun Hawaii gemaach goufen. De Mound krut den 30. Mäerz 2005 vun der I.A.U. den offiziellen Numm Thelxinoe, sou genannt no der Thelxinoe, enger titanescher Mus.

Bunndaten

Den Thelxinoe kreest a 628 Deeg an 43 Minutten op enger mëttlerer Distanz vun 21.162.000 km ëm de Jupiter. D'Bunn huet eng Exzentrizitéit vun 0,2206. Mat enger Inklinatioun vun 151,4° géint de lokale Laplace-Plang ass d'Bunn retrograd, d. h. de Mound beweegt sech géint d'Rotatiounsrichtung vum Jupiter ëm de Planéit.

Wéinst senge Bunneegenschafte gëtt den Thelxinoe zu der Ananke-Grupp gezielt, genannt nom Jupitermound Ananke.

Physikalesch Daten

Den Thelxinoe huet en Duerchmiesser vun 2 km. Seng Dicht gëtt op 2,6 g/cm³ geschat. Hien ass warscheinlech haaptsächlech aus Silikatgestengs opgebaut. Hien huet eng ganz däischter Uewerfläch mat enger Albedo vun 0,04, d. h., nëmme 4 % vum agestraalte Sonneliicht gi reflektéiert. Seng visuell Magnitude ass 23,5^m.

Kuckt och

Portal Astronomie

Um Spaweck

• MPEC 2004-B41: S/2003 J 22 24. Januar 2004 (Entdeckung)
• MPEC 2004-B82: S/2003 J 22 31. Januar 2004 (Zeréckentdeckung)