Sterpenich

belsch Uertschaft an der Gemeng Arel (Provënz Lëtzebuerg)

Sterpenich, op Lëtzebuergesch Sterpenech, ass eng belsch Uertschaft an der Gemeng Arel, an der Provënz Lëtzebuerg.

Sterpenich
lb: Sterpenech
Sterpenich — Southern view.jpg
Land Belsch
Regioun Flag of Wallonia.svg Wallounien
Communautéit Flag of Wallonia.svg Franséisch Communautéit
Provënz Official flag of the Province of Luxembourg.svg Lëtzebuerg
Arrondissement Arel
Gemeng CommunesBelgique-Arlon.svg Arel
Koordinaten 49° 38’ 50’’ N
      05° 53’ 30’’ O
Telefonszon 063

GeographieÄnneren

De Ruisseau d'Autelbas (op Lëtzebuergesch Kolerbaach), eng Niewebaach vun der Äisch, leeft vu Westen no Osten duerch d'Duerf.

NopeschuertschaftenÄnneren

  Badebuerg Äischen Stengefort  
Barnich
Nidderelter
N Klengbetten
W    Sterpenich    O
S
Grass
 
D'Schlass vu Sterpenech (2020)

GeschichtÄnneren

Am Mëttelalter gouf et d'Häre vu Sterpenech, déi méi spéit vun den Häre vun Nidderelter ofgeléist goufen. Dës Herrschaften hate schonn e Schlass.

Dat neit Sterpenecher Schlass gouf tëscht 1680 an 1690 vum Jean-Adam Pellot op de Fëllementer vum ale Schlass gebaut. Am Joer 1706, souwéi och am 19. Jh., wou d'Schlass de Grofen vu Berlaymont gehéiert huet, gouf et ëmgebaut. Hannert deem grousse viischten Deel mat zwéi quadrateschen Tierm an der Mauer op der Stroossesäit steet e Bauerenhaff. D'Bauwierk gouf 1956 klasséiert.

D'Uertschaft ass bis haut vum Bauerewiese markéiert. Déi haiteg Kierch ass 1900 gebaut ginn.

D'Duerf hat fréier eng Grenzgare op der Streck Lëtzebuerg-Bréissel an ass haut un de Verkéier ugeschloss iwwer d'Bréisseler Autobunn am Süden an d'Nationale 4 am Norden. E puer kleng Weeër féieren op déi lëtzebuergesch Grenz bei Stengefort a Klengbetten am Osten a Grass am Süden.

PersounenÄnneren

  • Zu engem net bekannten Datum (ongeféier um Ënn vum 16. Jh.) ass den Heinrich Kauder, besser bekannt als Gaderius, zu Sterpenech op d'Welt komm, wou hien och spéider Paschtouer war.
  • De Victor de Tornaco gouf am Schlass gebuer
  • Camille de Tornaco, gebuer zu Sterpenich

Um SpaweckÄnneren

Commons: Sterpenich – Biller, Videoen oder Audiodateien
  Uertschaften an der Gemeng Arel  

Sektiounen: ArelNidderelterBunnertGiischHäischelTernech
Aner Uertschaften a Plazen: Alenuewen · Barnech · Birel · Badebuerg · Affen · Fruessem · Frellen · Heckbus · Rosenberg · Schappech · Siesselech · Séimerech · Stienen · Sterpenech · Stackem · Sues · Éiden · Uewerelter · Walzeng · Weller

ReferenzenÄnneren