Sextans B

De Sextans B ass eng irregulär Zwerggalaxie vum Typ Ir IV-V am Stärebild Sextans.

Sextans B

Foto, opgeholl vum Hubble-Weltraumteleskop
Stärebild	Sextans (Sex)
Positioun fir d'Equinoxe J2000.0
Rektaszensioun	10h 00m 00,1s
Deklinatioun	+ 05° 19' 56"
Ausgesinn
Hubble-Sequenz	(d)Im IV-V
Visuell Magnitude	11,9 mag
Wénkelduerchmiesser	5′,1 × 3′,5
Physikalesch Donnéeën
Gehéiert zu	Lokal Grupp
Distanz (Lj)	(4.440.000 ± 230.000)
Radialvitess	(301 ± 1)
Mass	2 × 108 M☉
Katalog- an Entdeckerbezeechnungen
MCG	+01-26-005
PGC	28913
UGC	5373

Zesumme mat der Zwerggalaxie Sextans A bilt si eng Koppel um baussenzege Rand vun der lokaler Grupp. D'Galaxie weist Unzeeche vun engem gravitativen Zesummenhang un d'NGC-3109-Ënnergrupp.

Eegenschaften

Gréissten

De Sextans B läit op enger Distanz vun ongeféier 1360 kpc vun eis ewech a beweegt sech vun eiser Sonn mat enger Vitess vu ronn 301 km/s ewech. Si gehéiert domat zu deenen, déi am wäitste vun der lokaler Grupp ewech leien.

Zesummesetzung

D'Zwerggalaxie huet eng eenheetlech Stärepopulatioun, hiren interstellare Medium ass awer net homogeen.

D'Mass vum Sextans B gëtt op ronn 2 × 10⁸ M_⊙ geschat mat engem Deel vu 5,5 × 10⁷ M_⊙ an atomarem Waasserstoff.

Stäregenesis

D'Stäregenesis vun der Galaxie weist ënnerschiddlech Periode mat wéineg Aktivitéit, ënnerbrach vun Zäiten ouni Aktivitéit. D'Existenz vu variabelen Cepheiden am Sextans B weist awer och op aktuell wann och nëmme wéineg Stäregebuerten hin.

Metallizitéit

D'Metallizitéit vum Sextans B ass relativ kleng. Bis elo konnte fënnef Planetaresch Niwwelen an der Zwerggalaxie identifizéiert ginn. Si gehéiert domat zu de klengste Galaxien, an deenen där bis elo observéiert konnte ginn. Wéinst der Distanz vum Sextans B gesi s'aus wéi Punktquellen, kënnen awer iwwer hir spektral Emissiounslinnen identifizéiert ginn. Hir konnt och e massive Kugelstärekoup zougeschriwwe ginn.

Kuckt och

Portal Astronomie

Um Spaweck

• Sextans B bei SEDS