Nationalstrooss 8

Nationalstrooss 8
	D'N8 op den éischte Meteren, an der Gäichel
Gäichel - Miersch
Land	Lëtzebuerg
Ufank	Gäichel
Koordinaten	49°41'40,16"N, 5°52'2,64"O
Enn	Miersch,; Nationalstrooss 7
Koordinaten	49°45'2,48"N, 6°6'21,89"O
Duerch	Habscht, Sëll, Helperknapp, Miersch
Längt	19,8 km
Informatiounen a Websäiten
P & Ch	Beschreiwung vum Stroossennetz
Fandom	Nationalstrooss 8

D'Nationalstrooss 8 oder N8 ass eng lëtzebuergesch Nationalstrooss an de Kantone Réiden, Capellen a Miersch. Si féiert vun der belscher Grenz an der Gäichel bis op Miersch.

Laf an Uschlëss
Gäichel	N 844
Gäichel	CR 105
Kräizerbuch	CR 106
	CR 106
	CR 106B
Simmer	CR 107
Simmer	CR 112A
Sëll	N 12
Bruch	CR 112 Bricherlächer
	CR 112 Rue du Village
	CR 114 Rue de Bissen
Reckener Barrière	CR 115
Recken	CR 105C Rue Principale
	Äisch
	Uschloss A 7
Miersch	N 7 CR 102

Si fänkt op der belscher Grenz an der Gäichel un, wou se Uschloss un déi belsch N844 huet. Vun hei leeft se an nordëstlecher Richtung bis op d'Kräizerbuch wou se op hirer héchster Plaz um Zengel iwwer den Tunnel vun der Kräizerbuch geet. Vun do u geet et praktesch déi ganz Zäit weider duerch de Bësch a Richtung Sëll.

Zu Sëll kräizt se d'N12 (Lëtzebuerg-Wemperhaart), fir weider duerch Bruch a Recken op Miersch ze kommen, wou se Uschloss un d'N7 huet. Kuerz viru Miersch kräizt se d'Autobunn A7, un déi se och Uschloss huet.

D'Totallängt vun der N8 ass zirka 19,8 km.

Entwécklung vun der N8

D'Strooss besteet zanter 1843. Se gouf deemools als Strooss vu Miersch op Arel bezeechent an huet déi belsch Grande route de deuxième classe ersat, déi kuerz virdrun vun der Belsch gebaut gi war;
1958 gouf d'Strooss, déi vu Miersch aus iwwer Bierschbech - Bënzert - Angelsbierg bis an d'Fiels gelaf ass a bis dohin d'N9 war, bei d'Streck vun der N8 derbäi geschloen;
Mat der Ëmklasséierung vun Deeler vum staatleche Stroossereseau^[1] ass déi knapps 10 km laang Streck Miersch - Fiels 1995 an e Chemin repris (CR118) deklasséiert ginn a gehéiert zanterhier nees net méi zur N8.