Méischdref

Dësen Artikel beschäftegt sech mat der lëtzebuergescher Uertschaft an der Gemeng Rouspert-Mompech. Fir d'Uertschaft mat engem änlechen Numm an der Gemeng Bettenduerf, kuckt wgl. Méischtref.

Méischdref ass eng Uertschaft an der Gemeng Rouspert-Mompech.

Méischdref
An der Olek zu Méischdref
Aussprooch
An anere Sproochen	fr: Moersdorf de: Mörsdorf
Land	Lëtzebuerg
Kanton	Iechternach
Gemeng	Rouspert-Mompech
Buergermeeschter	Stéphanie Weydert
Awunner	408
	1.1.2019
Héicht	159 m
Koordinaten	49° 44’ 44’’ N       06° 30’ 02’’ O

Geographie

Méischdref läit tëscht Bur a Waasserbëlleg um rietsen Uwänner vun der Sauer, op enger duerchschnëttlecher Héicht vun 170 m (NG-L). Duerch Méischdref geet d'Nationalstrooss 10 an den CR135. Zu Méischdref leeft d'Kauzebaach, déi vu Giwenech aus den Hang erof kënnt, an d'Sauer.

Bis un d'Enn vum 20. Joerhonnert war eng Steekaul an der Uertschaft.

Geschicht

Archeologesch Fonntsaache weisen, datt do schonn an der Kelten-, resp. Frankenzäit Leit gewunnt hunn.

Méischdref gouf als Mersdorph am 13. Joerhonnert eng éischt Kéier schrëftlech ernimmt. Deemools (a bis zu der Franséischer Revolutioun) huet et zu der Tréierer Abtei St. Maximin gehéiert, an och d'Abtei Iechternach hat do Besëtz. 1248 ass vu Murstorff rieds, an op der Ferraris-Kaart vun ëm 1775 steet d'Duerf als Merscdorf.

Kuckeswäertes

• Kierch Méischdref
• Iwwerreschter vun der Méischdrëffer Millen

Kuckt och

• Lëscht vun de Lëtzebuerger Gemengen
• Lëscht vun de Lëtzebuerger Uertschaften
• Lëtzebuerger Kantonen
• Entwécklung vun der Gemengenzuel zu Lëtzebuerg
• Lëscht vun de Lëtzebuerger Stied

Um Spaweck

Commons: Méischdref – Biller, Videoen oder Audiodateien

• De Sauerdall
• Damit das Wasserrad wieder klappert am Luxemburger Wort vum 16. Juni 2018