Lameschmillen (Biergem)

Dësen Artikel beschäftegt sech mat der Lameschmille bei Biergem. Fir aner Plaze mat deem Numm, kuckt wgl. Lameschmillen.

D'Lameschmillen ass e Lieu-dit an der Gemeng Monnerech a läit um CR164 tëscht Biergem an Näerzeng, um Zesummelaf vun der Baach Mess an der Uelzecht. Et ass déi südlech Limitt vum Naturschutzgebitt Dumongshaff.

Lameschmillen
An anere Sproochen	fr: Lameschmuhle de: Lameschmühle
Land	Lëtzebuerg
Kanton	Esch-Uelzecht
Gemeng	Monnerech
Buergermeeschter	Jeannot Fürpass (CSV)
Koordinaten	49° 30’ 47’’ N       06° 02’ 34’’ O

Laanscht d'Strooss läit en Depot vu Ponts et chaussées.

Geschicht

Zanter dem 12. Joerhonnert ass op där Plaz eng Millen nogewisen. Déi haiteg Gebaier ginn zum Deel op d'17., d'18. an d'19. Joerhonnert zeréck, mat weideren Ëm- an Ubauten aus dem 20. an 21. Joerhonnert. D'Wunnhaus gouf 2004 renovéiert an déngt als Privathaus. Um Terrain ass eng Reitschoul.

De Millebetrib gouf 1970 definitiv agestallt. Dat eenzegt wat vun den Apparater Rescht blouf ass eng Rimmenachs, déi nieft der Baach am Gaang ass ze raschten.

Lannenallee

D'Lannenallee, déi vu Biergem bei d'Mille féiert, steet zanter dem 7. Mäerz 1984 um Zousazinventaire vun den nationale Monumenter.

D'Lannenallee bei d'Millen

Kuckt och

• Millen zu Lëtzebuerg
• Bemierkenswäert Beem zu Lëtzebuerg
• Lëscht vun de Lëtzebuerger Gemengen
• Lëscht vun de Lëtzebuerger Uertschaften
• Lëtzebuerger Kantonen
• Entwécklung vun der Gemengenzuel zu Lëtzebuerg
• Lëscht vun de Lëtzebuerger Stied

Um Spaweck

Commons: Lameschmillen (Biergem) – Biller, Videoen oder Audiodateien