Kommissioun Barroso I
D'Kommissioun Barroso I war de Collège vun Europäesche Kommissären ënner dem President José Manuel Barroso. Si war vum 22. November 2004 bis den 9. Februar 2010 am Amt. Si war d'Nofollgerin vun der Kommissioun Prodi. Si bestoung aus dem President a bis den 31. Dezember 2006 aus 24 Kommissären, wouvunner der 6 Vizepresident waren. Nom Bäitrëtt vu Bulgarien a Rumänien koumen der 2 weider Kommissäre bäi.
- José Manuel Barroso, Portugal, Kommissiounspresident
- Margot Wallström, Schweden, Vizepresidentin, Bezéiungen zum Parlament, Ëffentlechkeetsaarbecht
- Günter Verheugen, Däitschland, Vizepresident, Industrie- und Entreprisëpolitik
- Jacques Barrot, Frankräich, Vizepresident, Justiz a Bannenzeg Affären (bis den 9. Mee 2008 Verkéier an Transport)
- Siim Kallas, Estland, Vizepresident, Administratioun, Comptabilitéit a Korruptiounsbekämpfung
- Antonio Tajani, Italien, Vizepresident, Transport (huet zanter dem 9. Mee 2008 de Franco Frattini, dee fir Justiz a Bannenzeg Affären zoustänneg war, ersat)
- Viviane Reding, Lëtzebuerg, Informatiounsgesellschaft a Mediepolitik
- Stavros Dimas, Griicheland, Ëmwelt
- Joaquín Almunia, Spuenien, Wirtschaft und Wärungsfroen
- Paweł Samecki, Polen, Regionalpolitik (huet zanter dem 13. Juli 2009 d'Danuta Hübner, déi an d'Europaparlament gewielt gouf, ersat)
- Joseph Borg, Malta, Fëscherei an Navigatioun
- Algirdas Šemeta, Litauen, Budget (huet zanter dem 1. Juli 2009 d'Dalia Grybauskaitė, déi Presidentin an hirem Land gouf, ersat)
- Janez Potočnik, Slowenien, Fuerschung
- Ján Figeľ, Slowakei, Bildung a Kultur
- Androula Vassiliou, Zypern, Gesondheet (huet zanter dem 31. Mäerz 2008 de Marcos Kyprianou, dee bis den 31. Dezember 2006 och fir Konsumenteschutz zoustänneg war, ersat)
- Olli Rehn, Finnland, Ausbreedung
- Karel De Gucht, Belsch, Entwécklungspolitik an humanitaire Hëllef (huet zanter dem 13. Juli 2009 de Louis Michel, deen an d'Europaparlament gewielt gouf, ersat)
- Andris Piebalgs, Lettland, Energie
- Neelie Kroes, Holland, Konkurrenz
- Mariann Fischer Boel, Dänemark, Landwirtschaft
- Benita Ferrero-Waldner, Éisträich, Aussebezéiungen an europäesch Noperschaftspolitik
- Charlie McCreevey, Irland, Bannemaart a Servicer
- Vladimír Špidla, Tschechesch Republik, Aarbecht a Soziales
- László Kovács, Ungarn, Steieren an Douanesunioun
- Catherine Ashton, Groussbritannien, Handel (huet zanter dem 6. Oktober 2008 de Peter Mandelson ersat)
- Meglena Kuneva, Bulgarien, Konsumenteschutz (koumen den 1. Januar 2007 bäi)
- Leonard Orban, Rumänien, Multilinguismus (koumen den 1. Januar 2007 bäi)
.jpg)
De Rocco Buttiglione an d'Ingrida Udre, déi ursprénglech virgesi waren, si vum Franco Frattini an Andris Piebalgs ersat ginn, wéi feststoung, datt d'Europäesch Parlament staark Reserve géint déu zwéin hat, a bei engem Vott dem Barroso senger Kommissioun d'Vertrauen net (oder nëmme ganz knapps) gestëmmt hätt. Och de László Kovács krut en anere Portefeuille, well e bei den 'Hearingen' am Parlament vill Deputéiert net vu senge Kompetenzen a Saachen Energie iwwerzeege konnt. D'Parlament huet déi ëmgeännert Ekipp den 18. November 2004 guttgeheescht, soudatt se offiziell den 22. November hir Aarbecht ophuele konnt.