Eurovision Song Contest 2003

48. Eurovision Song Contest
Motto Magical Rendez-vous
Datum 24. Mee 2003
Stad Riga (Lettland)
Gebai Skonto Hall
Gewënner Sertab Erener (Tierkei)
Zuel vu Länner 26
Nei Participatiounen Ukrain
Moderatioun Marie N a Renars Kaupers
Interval Act Ilgi, Brainstorm, Marie N a Raimonds Pauls
Ofstëmmungsreegel All Land huet 12, 10, 8, 7, 6, 5, 4, 3, 2 an 1 Punkt un déi zéng bescht Lidder verginn.

Den 48. Eurovision Song Contest war de 24. Mee 2003 a Lettland. Organiséiert gouf d'Eurovisioun dat Joer an der Saku Suurhall zu Riga. Presentateure waren d'Marie N an de Renars Kaupers.

D'Gewënnerin Sertab Erener, 2004

Fir d'Zuel vun de Länner ze reduzéiere sinn d'Plaze vun de leschte 5 Joer gekuckt ginn an déi mat de mannste Punkte hu missen e Joer Paus maachen. Betraff vun dëser Reegel waren d'Republik Mazedonien, Finnland, d'Schwäiz, Litauen an Dänemark. Lëtzebuerg huet scho wéi déi 9 Joer virdru fräiwëlleg drop verzicht fir matzemaachen. Och Italien, Ungarn, an d'Slowakei hu fräiwëlleg net matgemaach. D'Ukrain ass nei derbäikomm. Am Ganzen hu 26 Länner matgemaach. Dat war déi bis dohi gréissten Zuel u Länner déi matgemaach hunn.

D'Reegel fir d'Ofstëmmung ass d'selwecht bliwwe wéi déi Jore virdrun. An de meeschte Länner ass den Televoting duerch d'Spectateure benotzt gi fir ofzestëmmen. A Polen ass SMS benotzt ginn. Bosnien an Herzegowina, Irland a Russland hunn eng Jury fir d'Ofstëmmung benotzt. All Land huet duerch d'Ofstëmmung 12, 10, 8, 7, 6, 5, 4, 3, 2 an 1 Punkt un déi zéng bescht Lidder verginn. D'Resultater si per Telefon op Riga matgedeelt ginn.

Déi éischt Plaz krut d'Vertriederin vun der Tierkei, d'Sertab Erener mat 2 Punkte Virsprong virun Urban Trad (Belsch). Déi drëtt Plaz krut den Duo t.A.T.u., dee fir Russland ugetruede war.

Fir d'Tierkei war et déi éischt Kéier datt et de Grand Prix gewonnen hat.

Klassement änneren

Plaz Startnr. Land Interpret Titel Punkten
01. 04 Tierkei Sertab Erener Everyway that I Can 167
02. 22 Belsch Urban Trad Sanomi 165
03. 11 Russland t.A.T.u. Ne Ver', Ne Boysia 164
04. 18 Norwegen Jostein Hasselgård I'm Not Afraid to Move On 123
05. 25 Schweden Fame Give Me Your Love 107
06. 02 Éisträich Alf Poier Weil der Mensch zählt 101
07. 20 Polen Ich Troje Keine Grenzen – Żadnych Granic 090
08. 01 Island Birgitta Open Your Heart 081
08. 12 Spuenien Beth Dime 081
10. 24 Rumänien Nicola Don't Break My Heart 073
11. 03 Irland Mickey Harte We’ve Got the World 053
11. 10 Däitschland Lou Let's Get Happy 053
13. 14 Holland Esther Hart One More Night 045
14. 16 Ukrain Olexandr Hasta la vista 030
15. 08 Kroatien Claudia Beni Više nisam tvoja 029
16. 06 Bosnien an Herzegowina Mija Martina Ne brini 027
17. 17 Griicheland Mando Never Let You Go 025
18. 19 Frankräich Louisa Baïleche Monts et merveilles 019
19. 13 Israel Lior Narkis Word for Love (Milim la'ahava) 017
20. 09 Zypern Stelios Konstantas Feeling Alive 015
21. 23 Estland Ruffus Eighties Coming Back 014
22. 07 Portugal Rita Guerra Deixa-me sonhar (Só mais uma vez) 013
23. 26 Slowenien Karmen Nanana 07
24. 21 Lettland F.L.Y. Hello from Mars 05
25. 05 Malta Lynn Chircop To Dream Again 04
26. 15 Groussbritannien Jemini Cry Baby 00

De Gewënner an déi gréng markéiert Länner waren am Joer drop (2004) automatesch fir d'Finall qualifizéiert.

Um Spaweck änneren

Commons: Eurovision Song Contest 2003 – Biller, Videoen oder Audiodateien
Tallinn (Estland)   Istanbul (Tierkei)
ESC 2002 Eurovision Song Contest ESC 2004