Virfaartsschëld

E Virfaartsschëld ass am Stroosseverkéier eng vertikal Signalisatioun, déi ugëtt a wat fir enger Reiefolleg déi verschidde Chauffere fueren däerfen.

Zu Lëtzebuerg

Am Texte coordonné vum Lëtzebuerger Code de la route, deen an engem Arrêté grand-ducal vum 23. November 1955 an duerno e puermol geännert gouf, sinn d'Virfaartsschëlter am Kapitel V Voie publique, an der Sektioun IV De la signalisation routière ënner der Rubrik II. SIGNAUX DE PRIORITÉ beschriwwen.

Lëscht vun de Virfaartsschëlter

	Bedeitung	Bezeechnung(en)	Bemierkung
1	Virfaart iwwerloossen	Schëld B, 1
2	Stoppschëld	Schëld B, 2a
3	Virfaartsstrooss	Schëld B, 3 - Schëld B, 4
4	Konfiguratiounsschëld
5	Virfaart fir de Verkéier deen entgéintkënnt	Schëld B, 5
6	Virfaart virum Verkéier deen entgéintkënnt	Schëld B, 6
7	Andreaskräiz	Schëld B, 7a - Schëld B, 7b

Technesch Donnéeën

D'Verkéiersvirfaartsschëlter hu verschidde Formen (Dräieck mat enger Spëtzt no ënnen, Aachteck, Quadrat, Rondel, asw.), verschidde Faarwe vum Hannergrond a vun de Piktogrammen.

D'Schëlter gëtt et a verschiddene Moossen, jee nodeem ob se bannent oder baussent den Uertschaften oder op den Autobunne gebraucht ginn.

Opstelle vun de Schëlter

Gemenkerhand ginn d'Schëlter op der rietser Säit a der Fuerrichtung a baussent der Fuerbunn opgeriicht.

D'Verkéiersschëlter ginn am Allgemenge baussent den Uertschafte vun der Bauverwaltung a bannent den Uertschafte vun der jeeweileger Gemengeverwaltung opgestallt.

Um Spaweck

Commons: Virfaartsschëlter – Biller, Videoen oder Audiodateien

Kuckt och

• Verkéiersschëlter aus dem lëtzebuergesche Code de la Route