Schëld B, 1

Schëld B, 1
	Virfaart iwwerloossen
Bezeechnung	B, 1
Kategorie	Virfaartsschëld
Land	Lëtzebuerg
ageféiert	23. November 1955

D'Schëld B, 1 ass e Virfaartsschëld aus dem Lëtzebuerger Code de la route, dat ugëtt, datt een deene Chaufferen, déi vu riets a lénks kommen, d'Virfaart iwwerloosse muss.

Bei den Iwwergäng fir Vëlosfuerer weist d'Schëld B, 1 de Chaufferen un, datt se d'Cyclisten, déi um Vëloswee d'Strooss iwwerquiere wëllen, laanscht loosse mussen. Déi Plaz wou den Iwwergang fir Vëlosfuerer ass, muss mam Schëld B, 1 oder B, 2a gezeechent ginn.

Originaltext aus dem Code de la route

Artikel 107 – II. Signaux de priorité^[1]
« 1. Cédez le passage – Le signal B,1 indique aux conducteurs qu'ils doivent céder le passage aux conducteurs qui circulent dans les deux sens sur la chaussée dont ils s'approchent.
Aux passages pour cyclistes, le signal B,1 indique aux conducteurs qu'ils doivent céder le passage aux conducteurs de cycles qui traversent ou marquent leur intention de traverser la chaussée sur le passage. L'aplomb des passages pour cyclistes doit être indiqué par le signal B,1 ou B,2a. »

Bemierkungen

D'Schëld B, 1 gehéiert zu de Schëlter déi 1955 an der éischter Versioun vum Code de la route agefouert goufen; et war deemools ënnert der Nummer 22 vum Artikel 107 definéiert^[2].

Dimensioune vum Schëld

An den Uertschaften muss d'Säitelängt vum Schëld op d'mannst 600 mm laang sinn, baussent den Uertschaften op d'mannst 900 mm an op den Autobunnen op d'mannst 1.250 mm.