Sharpless-Katalog

De Sharpless-Katalog ass eng Lëscht vun 312 HII-Regiounen (Emissiounsniwwelen) mat der Absicht vun enger kompletter Lëscht vun dësen Objeten nërdlech vun der Deklinatioun δ = -27° (hien huet allerdéngs och e puer Niwwelen südlech vun dëser Positioun). Déi éischt Editioun aus dem Joer 1953 (Sh1) hat 142 Objeten, déi zweet a lescht Versioun vun 1959 (Sh2) vum Stewart Sharpless dann 312 Objeten. De Katalog huet och e puer Planetareschen Niwwelen a Supernova-Reschter.^[1]

Am Joer 1953 gouf de Stewart Sharpless Mataarbechter vun der United States Naval Observatory, wou hien HII-Regioune vun der Mëllechstrooss op Basis vun der Duerchmusterung vum Palomar Observatory Sky Survey analyséiert a katalogiséiert huet. Aus dëser Aarbecht eraus huet hie seng Kataloge vun HII-Regiounen an zwou Editioune publizéiert, den éischten nach am selwechte Joer mat 142 Niwwelen.^[2] Déi zweet an och lescht Editioun gouf 1959 publizéiert a hat dann 312 Niwwelen.^[3]

Sharpless-Koordinate vun der éischter Editioun Sh1 hunn op de Stärekataloge vun der Bonner Duerchmusterung oder der Córdoba-Duerchmusterung baséiert. Déi zweet Editioun huet Koordinate vun der Epoch 1900 benotzt.^[1]

Am Sh2 hunn e puer Koordinate vun der südlecher Hemisphär Miessofwäichungen vun iwwer enger Bouminutt.^[1] Dat kann en Opfanne vun de gesichten Objeten däitlech erschwéieren. Dofir gouf e revisionéierte Katalog mam Numm BFS (Blitz, Fich and Stark) erausginn.^[1] Dësen hat 65 nei Objeten, 20 Objete goufen ewechgeholl.^[1] Déi meescht vun den Objeten, déi ewechgeholl goufen, waren entweeder schonn opgehollen Niwwelen oder Iwwerreschter.^[1]

Déi 312 Vermierker am Sharpless-Katalog iwwerlappen sech heiansdo mat den 110 am Messier-Katalog (M), de 7.840 vum New General Catalogue (NGC), dem Caldwell-Katalog (dee selwer nees eng Ënnerauswiel vun anere Katalogen duerstellt) mat 109 Iwwerlappungen wéi och dem RCW-Katalog. Zäitgenëssesch waren d'Kataloge Gum an RCW, obwuel dës haaptsächlech déi südlech Hemisphär ofdeckten.

Beispiller änneren

Auszuch vu Beispiller vum zweete Sharpless-Katalog aus dem Joer 1958; E Klick op d'Bild liwwert d'Bildbeschreiwung, déi meescht sinn entweeder vun ënnerschiddlechen Amateurastronomen, vun Europäesche Südobservatoire, vun der ESA oder der NASA

Sh 2- #	Numm	Virkommen oder aner Bezeechnungen
6	NGC 6302	Sh2-6, NGC 6302, Bug Nebula, PK 349+01 1, Butterfly Nebula, RCW 124, Gum 60, Caldwell 69
8	NGC 6334	ESO 392-EN 009, Sharpless 8, RCW 127, Gum 64, NGC 6334
11	NGC 6357	Sh2-11, NGC 6357, RCW 131, Gum 66, War and Peace Nebula
25	Lagunenniwwel	Sh2 25, RCW 146, Gum 72, Messier 8
30	Trifidniwwel	Sh2 30, M20, NGC 6514, RCW 147, Gum 76
45	Omeganiwwel	Omega Nebula, M17, NGC 6618, Swan Nebula, Sharpless 45, RCW 160, Gum 81
49	Adlerniwwel	Sh2 49, Messier 16, NGC 6611, RCW 165, Gum 83
101	Tulpenniwwel	Sharpless 101
105	NGC 6888	Sh2 105, Sharpless 105, Caldwell 27
106	Sh2-106	Sh2-106, Celestial Snow Angel
117	Nordamerikaniwwel	NGC 7000, Caldwell 20
125	Kokon-Niwwel	IC 5146, Caldwell 19
140	Sh2-140	Sh2-140
155	Höhlenniwwel	Sh2-155, Caldwell 9
162	NGC 7635	Sh2-162, NGC 7635, Bubble nebula
184	NGC 281	NGC 281, IC 11
191	Maffei 1	Sh2-191, Maffei 1, PGC 9892
197	Maffei 2	Sh2-197, Maffei 2, UGCA 39
199	Séilenniwwel	Sh2-199, LBN 667, Soul Nebula, IC 1848 (cluster only)
220	Kalifornienniwwel	NGC 1499, Sharpless 220
229	IC 405	Flaming Star Nebula, Caldwell 31, IC 405, Sh2-229
238	NGC 1555	NGC 1555, Hind's Nebula, Sharpless 238
244	Krabbniwwel	Messier 1, NGC 1952,
248	IC 443	IC 443, Sh2-248, Jellyfish Nebula
271	Flamenniwwel	Sh2-271, NGC 2024
275	Rosettenniwwel	Sh2-275, CTB 21
276	Barnard-Schleef	Sh2-276, Barnard's Loop
281	Orionniwwel	M42, NGC 1976, LBN 974
290	Abell 31	Sharpless 290, PNG 219.1+31.2, PK 219+31.1, ARO 135
298	NGC 2359	Helm vum Thor, Gum 4, Sharpless 298, NGC 2359