Nëssert am Konviktsgaart zu Lëtzebuerg

Den Nëssert am Konviktsgaart ass en Nëssert (Juglans regia L.; noyer commun; Walnussbaum) deen zu de bemierkenswäerte Beem zu Lëtzebuerg gehéiert a fräi op engem klengen Hiwwel am fréiere Konviktsgaart an der Stad Lëtzebuerg steet.

Nëssert am Konviktsgaart zu Lëtzebuerg
Den Nëssert am Konviktsgaart (Juni 2008)
Kategorie	Bemierkenswäert Beem zu Lëtzebuerg
Land	Lëtzebuerg
Gemeng	Lëtzebuerg
Plaz	Uewerstad
Adress	36, Avenue Marie-Thérèse
Koordinaten	49°36'22,28"N, 6°7'13,08"O
Bamaart	Zamen Nëssert
Héicht	21,1 m (2023)
Duerchmiesser	1,32 m (2023)
Ëmfang	4,15 m (2023)

De Konviktsgaart vum Ufank vun der Avenue Guillaume aus gesinn. Lénks d'Residence Grande-Duchesse-Joséphine-Charlotte a riets de bemierkenswäerten Nëssert

Gutt ze gesinn ass de Bam vun der Avenue Marie-Thérèse an och dem Boulevard Grande-Duchesse Charlotte aus. An der Nuecht ass de Bam beliicht.

De Nëssert huet beim Bau vum Altersheem am Konviktsgaart gestéiert, an nëmmen duerch déi energesch Interventioun vun engagéierte Bam-Amateure konnt en erhale bleiwen.

Ëm 2000 goufe follgend Moosse geholl: Héicht 18 m; Duerchmiesser vum Stamm: 0,92 m (op Broschthéicht). D'Moosse vun 2023 sinn en Duerchmiesser vun 1,32 m bei enger Héicht vun 21,1 m.

Quellen

• Sinner, J. et al., 2002. Les arbres remarquables. Administration des eaux et forêts. Musée national d'histoire naturelle. 255 S. (Dëse Bam fënnt een op de Säiten 154 an 155, Text a Foto).
• Murat, Danièle et al. Les arbres remarquables du Grand-Duché de Luxembourg. [3^e parution revue et adaptée]. Diekirch: ANF, 2023. Print. ISBN 978-2-9199474-3-0 (cf. S. 172-173, Text a Foto).

Kuckt och

• Konvikt
• Aner bemierkenswäert Beem an der Stad
  • Hobuch op der Kinnekswiss
  • Bam vum Prënz Jean (Käschtebam am Pescatore-Park)
  • Sequoiaen am Amaliepark
  • Buch am Péitrussdall, Bastioun Beck
  • Bluttbuch bei der Méchelskierch
  • Bluttbuch am Haff vum Geschichtsmusée
  • Käschtebam um Square Robert-Brasseur
  • Ginkgo op der Eecher Plaz
  • Catalpa am Eecher Bierg
  • Biergahornen op der Corniche (déi zwéi Beem goufen 2009 ewechgeholl)
• Bemierkenswäert Beem zu Lëtzebuerg

Biller

• Den Nëssert am Konviktsgaart zu Lëtzebuerg am Laf vum Joer
• 
  Fréijoer (2024)
• 
  Summer ()
• 
  Hierscht ()
• 
  Wanter (2024)

Um Spaweck

Commons: Nëssert am Konviktsgaart zu Lëtzebuerg – Biller, Videoen oder Audiodateien