Bluttbuch am Haff vum Geschichtsmusée vun der Stad Lëtzebuerg

Deel vun de bemierkenswäerte Beem zu Lëtzebuerg

D'Bluttbuch (Fagus sylvatica L. cv. purpurea; hêtre pourpre; Blutbuche) am Haff vum Lëtzebuerg City Museum gehéiert wéinst hirem Alter an och der Plaz wou se steet, zu de bemierkenswäerte Beem zu Lëtzebuerg.

Bluttbuch am Haff vum Geschichtsmusée vun der Stad Lëtzebuerg
Fagus sylvatica f purpurea Luxemb St Esprit 01.jpg
D'Bluttbuch am Haff vum Stater Geschichtsmusée (Oktober 2009). Am Laf vum Summer verléieren d'Blieder vun de Bluttbuchen dat rout Pigment a gi gréng
Typ geographeschen Objet,
Bemierkenswäert Beem zu Lëtzebuerg
Land Lëtzebuerg
Gemeng Lëtzebuerg
Plaz Geschichtsmusée vun der Stad Lëtzebuerg
Koordinaten 49° 36’ 36.90’’ N
      06° 08’ 02.60’’ O
Status Klasséiert Monument


Am November 2009.
Am Oktober 2021.

D'Buch ass zanter 1989 op der Lëscht vun de klasséierte Monumenter als nationaalt Monument agedroen[1][2].

Op enger Héicht vu ronn 2 m leeft en Ofsaz ronderëm de Stamm, deen doriwwer eraus däitlech manner déck ass. Den Ofsaz ass do entstanen, wou d'Kroun op d'Ënnerlag geprafft gouf.

Ëm 2000 gouf um Stamm, op enger Héicht vun 1,30 m, en Ëmfank vu 5,25 m, bei enger Gréisst vun 22 m, gemooss[2]. De geneeën Alter vum Bam ass net bekannt, kann awer, am Joer 2010, op ronn 150 Joer geschat ginn. Aner Aussoe schätzen en esouguer am Joer 2021 op 260 bis 300 Joer[3][4]

2009 si Pilzen op der Ënnerlag ze gesinn, wat drop hiweist, datt dem Bam seng Ofwierkräfte geschwächt sinn. 2017 huet de Stater Gemengerot decidéiert de Bam trotz senger Pilzkrankheet z'erhalen[5]. Dës Decisioun ass awer am Oktober 2021 revidéiert ginn an d'Stad Lëtzebuerg huet matgedeelt, datt de Bam aus Sécherheetsgrënn gehae misst ginn[3].

Am Summer ass d'Buch owes beliicht.

Wärend den Ëffnungszäite vum Musée ass d'Plaz mat der Bluttbuch vun der rue du Saint-Esprit aus, an och vum Café-Restaurant vum Musée hir, deen am Summer eng Terrasse do opmécht, fir Visiteuren op.

Vum Haff mat der Bluttbuch aus huet een eng Panoramavue op de Breedewee, de Stadgronn, d'Rumm, de Fetschenhaff, an de Verluerekascht.

LiteraturÄnneren

  • Sinner, J. et al., 2002. Les arbres remarquables. Administration des Eaux et Forêts. Musée national d'histoire naturelle. 255 S. (Cf. S. 84-85, Text a Foto).

Kuckt ochÄnneren

Um SpaweckÄnneren

Commons: Bluttbuch am Haff vum Geschichtsmusée vun der Stad Lëtzebuerg – Biller, Videoen oder Audiodateien

ReferenzenÄnneren

  1. Service des Sites et Monuments Nationaux: Liste des immeubles et objets classés Monuments nationaux ou inscrits à l'Inventaire supplémentaire. (Lescht Versioun vum 13. Januar 2022).
  2. 2,0 2,1 Sinner et al. 2002
  3. 3,0 3,1 (lb)City Breakfast: Bonge fir Schnelltester, méiglechen Impfzenter an Impfbus. www.rtl.lu. Gekuckt de(n) 2021-10-20.
  4. Kranke Rotbuche, Stadt Luxemburg verliert einen ihrer ältesten Bäume, wort.lu 21. Oktober 2021
  5. Gemengerotssëtzung vum 30. Juni 2017. Luxemburger Wort vum 1./2. Juli 2017, S. 34.