Buch am Péitrussdall, Bastioun Beck
D'Buch am Péitrussdall ass eng Routbuch (Fagus sylvatica; hêtre européen; Rotbuche), déi zu de bemierkenswäerte Beem zu Lëtzebuerg gehéiert. Se steet op hallwer Héicht am Péitrussdall, zur Säit vun der Uewerstad hin, ënner der Bastioun Beck, ongeféier an der Mëtt tëscht der Neier Bréck an der Plaz vun der Gëlle Fra.
| Buch am Péitrussdall, Bastioun Beck | |
|---|---|
 D'Buch bei der Bastioun Beck (Januar 2008). Duerch d'Kroun vum Bam erkennt een d'Monument vun der Gëlle Fra. | |
| Kategorie | Bemierkenswäert Beem zu Lëtzebuerg |
| Land | Lëtzebuerg |
| Gemeng | Lëtzebuerg |
| Plaz | Uewerstad |
| Adress | Péitrussdall |
| Koordinaten | 49°36'32,90"N, 6°7'39,86"O |
| Bamaart | Routbuch |
| Héicht | 22,7 m (2023) |
| Duerchmiesser | 1,31 m (2023) |
| Ëmfang | 4,12 m (2023) |
 | |
Am beschten erreecht een d'Buch andeems ee vun der Avenue Marie-Thérèse aus, kuerz virun der Neier Bréck an den Dall erof geet, ënner der Bréck erduerch an dann op gläicher Héicht weider, bis bei d'Elektrizitéitswierk (Transformator), dat d'Stad Lëtzebuerg do op der lénkser Säit an der Festungsanlag ageriicht huet. Riets vum Wee fält do de gesichte Bam duerch seng Mächtegkeet op.
D'Kroun vun der Buch ass ongläichméisseg entwéckelt: zum Dall hi sinn d'Äscht kräfteg a gi breet auserneen, op der anerer Säit gouf de Wuesstem duerch d'Festungsmauer ageschränkt.
Den Alter vun der Buch ass net bekannt, däerft awer sécherlech 100 Joer iwwerschreiden.
Ëm 2000 si follgend Moosse geholl ginn: Héicht 22 m; Stammdéckt op Broschthéicht: 1,30 m. E puer Joer virdru goufen d'Äscht vun enger spezialiséierter Firma geséchert. D'Moosse vun 2023 sinn en Duerchmiesser vun 1,31 m bei enger Héicht vun 22,7 m.
Quellen
änneren- Sinner, J. et al., 2002. Les arbres remarquables. Administration des Eaux et Forêts. Musée national d'histoire naturelle. 255 S. (D'Buch aus dem Péitrussdall ass op S. 82-83 beschriwwen, mat zwou Fotoen).
- Murat, Danièle et al. Les arbres remarquables du Grand-Duché de Luxembourg. [3e parution revue et adaptée]. Diekirch: ANF, 2023. Print. ISBN 978-2-9199474-3-0 (cf. S. 158-159, Text a Foto).
Fotoen
änneren-
D'Buch am Februar 2010. -
Vun der Neier Bréck aus gesinn: d'Buch steet lénks vum héije Bam an der Mëtt vum Bild.
Kuckt och
änneren- Aner bemierkenswäert Beem an der Stad:
- Hobuch op der Kinnekswiss
- Bam vum Prënz Jean (Käschtebam am Pescatore-Park)
- Sequoiaen am Amaliepark
- Bluttbuch bei der Méchelskierch
- Bluttbuch am Haff vum Geschichtsmusée
- Käschtebam um Square-Robert Brasseur
- Nëssert am Konviktsgaart
- Ginkgo op der Eecher Plaz
- Biergahornen op der Corniche (déi zwéi Beem goufen 2009 ewechgeholl)
- Bemierkenswäert Beem zu Lëtzebuerg
Um Spaweck
änneren| Commons: Buch am Péitrussdall, Bastioun Beck – Biller, Videoen oder Audiodateien |
