Muttergotteskapell Iechternach

D'Muttergotteskapell zu Iechternach ass eng kathoulesch Kapell, déi zur Par Regioun Iechternach Saint-Willibrord, zum Dekanat Osten an zu der Gemeng Iechternach gehéiert.

Muttergotteskapell zu Iechternach
D'Muttergotteskapell zu Iechternach (2012) D'Muttergotteskapell zu Iechternach (2012)
Uertschaft / Plaz	Iechternach
Par	Regioun Iechternach Saint-Willibrord
Dekanat	Dekanat Osten
Numm / Patréiner	Notre-Dame des Douleurs
Konsekratioun	1658
Proprietär	Kierchefong
Koordinaten	49° 48’ 31.5’’ N       06° 24’ 47.6’’ O
Kierchen - Kapellen

Se steet am südwestlechen Deel vun Iechternach an der rue de la Chapelle, enger Säitestrooss vun der N11.

Zur Par Iechternach gehéieren ausser der Muttergotteskapell och nach d'Basilika vun Iechternach, d'Péitrus a Pauluskierch vun Iechternach an d'Kräizkapell vun Iechternach.

Geschicht

1654 gouf op Wonsch vum Abt Petrus Fisch vun der Iechternacher Abtei eng Kapell zu Éiere vun der Schmäerzensmuttergottes gebaut an de 14. August 1658 geweit. Et ass dovun auszegoen, datt d'Ureegung fir de Bau vum Jesuittepater Jacques Brocquart ausgaangen ass, dee 1625-1627 virun de Mauere vun der Festungsstad Lëtzebuerg - um Glacis - eng Mariekapell gebaut an domat der Muttergottesveréierung zu Lëtzebuerg en neien Opdriff ginn huet.

Widder der Fassad steet eng monumental Muttergottesstatu. Am Banneraum (spéitgotesche Stil) gesäit een e barocken Héichaltor mat enger Pietà. D'Relieffer op de Säite weisen eng Kräizegungszeen a Schutzengelen.

Uergel

D'Uergel an der Muttergotteskapell gouf 1845 vum Kinnek-Groussherzog Wëllem II. gestëft a gëtt och "Oranier-Uergel" genannt. Vun deem Typ gëtt et der nëmme 5 op der ganzer Welt.

 Méi Informatioun doriwwer am Artikel: Uergel Muttergotteskapell Iechternach.

Literatur

• Michel Schmitt, 1996: Wegführer zu luxemburgischen Kirchen und Kapellen. Impr. St-Paul, Luxembourg, 144 S. ISBN 2-87963-258-7
• Kauthen, P., 2013. Die Muttergotteskapelle in Echternach. Willibrordus-Bauverein, Echternach, 31 S.
• Staud, R.M. & J. Reuter, 1952. Die kirchlichen Kunstdenkmäler der Stadt Echternach. St. Paulus Druckerei, Luxemburg, 224 S. (Muttergotteskapelle, S. 191-195).

Kuckt och

• Lëscht vu reliéise Gebaier zu Lëtzebuerg
• Lëscht vun de Lëtzebuerger Paren
• Lëscht vun de fréiere Lëtzebuerger Paren

Um Spaweck

Commons: Chapelle Notre-Dame des Douleurs Echternach – Biller, Videoen oder Audiodateien

• Websäit vum Parverband Iechternach, Ënnersauer, Jonglënster, Konsdrëf
• D'Muttergotteskapell op der Websäit vum Parverband Iechternach
• Video op Youtube aus der Serie: Kierchen a Kapellen zu Lëtzebuerg iwwer d'Iechternacher Muttergotteskapell
• D'Uergel vun der Kapell op Orgues.lu

• 
  Bannenan
• 
  D'"Oranier-Uergel"
• 
  d'Entréesportal