Péitrus a Paulus-Kierch Iechternach
D'Péitrus a Paulus-Kierch vun Iechternach ass eng kathoulesch Kierch, déi zur Par Regioun Iechternach Saint-Willibrord, zum Dekanat Osten an zu der Gemeng Iechternach gehéiert.
| ||||
|---|---|---|---|---|
 D'Kierch vum Hl. Péitrus a Paulus | ||||
| Uertschaft / Plaz | Iechternach | |||
| Par | Regioun Iechternach Saint-Willibrord | |||
| Dekanat | Osten | |||
| Numm / Patréiner | Hl. Péitrus a Paulus | |||
| Koordinaten | 49° 48’ 45.1’’ N 06° 25’ 22.2’’ O | |||
| Kierchen - Kapellen | ||||
Se steet am nordëstlechen Deel vun Iechternach an der rue de la Montagne.
D'Péitrus-a-Paulus-Kierch gouf den 28. Dezember 1961 op der Lëscht vun de klasséierte Monumenter als nationaalt Monument agedroen.[1]
Zur fréierer Par Iechternach gehéieren ausser der Péitrus a Paulus-Kierch vun Iechternach och nach d'Basilika vun Iechternach, d'Muttergotteskapell vun Iechternach an d'Kräizkapell vun Iechternach.
Geschicht
ännerenEt ass déi ursprénglech Parkierch vun Iechternach. Se staamt ongeféier aus dem Joer 1000 an ass dofir am romanesche Stil gebaut. No engem Feier am 15. Joerhonnert ass se am spéitgotesche Stil ëmgebaut ginn. Am 18. Joerhonnert huet e polygonale Chouer de romaneschen ersat. Am Chouer sinn nach Fresken ze gesinn. D'Fënstere si vum François Gillen. Am Kiercheschëff ass en Ofgoss vun enger Kräizegungsgrupp déi 1503 am lëtzebuergesche Atelier Clais hiergestallt gouf (den Original ass momentan zu Réiser). Am Nordtuerm steet e Sarkophag aus dem 17. Joerhonnert mat enger Figur vum hl. Willibrord, dee läit; an dësem Sarkophag goufe bis 1906 d'Reliquie vum Willibrord versuergt, déi elo an der Basilika ënnerbruecht sinn.
Literatur
änneren- Wegführer zu luxemburgischen Kirchen und Kapellen, Office national du tourisme, 1995
Kuckt och
änneren- Bemierkenswäert Beem bei der Péitrus a Paulus-Kierch:
- Lëscht vu reliéise Gebaier zu Lëtzebuerg
- Lëscht vun den nationale Monumenter an der Gemeng Iechternach
Um Spaweck
änneren| Commons: Péitrus a Paulus-Kierch Iechternach – Biller, Videoen oder Audiodateien |
- Video op Youtube aus der Serie: Kierchen a Kapellen zu Lëtzebuerg iwwer d'Péitrus a Paulus-Kierch zu Iechternach
- D'Péitrus a Paulus-Kierch vun Iechternach op der Websäit vum Parverband Iechternach
- D'Péitrus a Paulus-Kierch vun Iechternach op der Websäit vum Service des sites et monuments nationaux (fr)
- D'Fënstere vun der Péitrus a Pauluskierch vun Iechternach op der Websäit vun der Stiftung Forschungsstelle Glasmalerei des 20. Jh. e. V. (de)
Biller
änneren-
D'Kierch vu baussen -
Fënster vum François Gillen -
Al Fresk -
-
De Willibrord-Sarkophag -
De Péitrus
Referenzen
änneren- ↑ Institut national pour le patrimoine architectural: Liste des immeubles et objets bénéficiant d'une protection nationale. (Lescht Versioun vum 3. Juli 2024).