Lycée Aline-Mayrisch

Lycée Aline-Mayrisch
	Agank vum Lycée (2022)
(LAML)
Typ	ëffentlech Schoul, Secondairesschoul
Regimm	Classique, General
Land	Lëtzebuerg
Uertschaft	Lëtzebuerg
Leedung	Carole Chaine
Schülerzuel	1.296
	September 2022
Gegrënnt	28 Juli 2000
Genannt no	Aline de Saint-Hubert
Um Spaweck	http://www.laml.lu

De Lycée Aline-Mayrisch, kuerz LAML, ass en ëffentleche Lëtzebuerger Lycée um Campus Geesseknäppchen am Quartier Hollerech vun der Stad Lëtzebuerg. D'Schüler nennen hire Lycée och nach "Alima".

D'Schoul huet hiren Numm vun der Aline Mayrisch de Saint-Hubert.

Historique änneren

De Lycée Aline-Mayrisch ass den 28. Juli 2000 an d'Liewe geruff ginn^[1] an ass de 14. Mäerz 2001 vun de Ministeschen Erna Hennicot-Schoepges an Anne Brasseur ageweit ginn. Fir d'Schüler huet d'Schoulgebai am September 2001 seng Dieren opgemaach.

Zanter 2018 kritt all Schüler en IPad mat Apple Pencile an Tastatur zur Verfügung gestallt.

Schoulformen änneren

Klasseschen Enseignement änneren

Am klasseschen Enseignement bitt de Lycée Aline Mayrisch Klasse vu 7^e bis 1^re un. Vun der 3^e un, mussen d'Schüler sech fir eng Sektioun entscheeden:

Sektioun A: Sproochen
Sektioun B: Mathematik an Informatik
Sektioun C: Naturwëssenschaften a Mathematik
Sektioun D: Wirtschaftswëssenschaften a Mathematik
Sektioun E: Konscht
Sektioun G: Human- a Sozialwëssenschaften

Fir d'Sektiounen F (Musekswëssenschaften) an I (Informatik a Kommunikatioun) muss de Schüler no der 4^e d'Schoul wiesselen.

Generellen Enseignement änneren

Am generellen Enseignement bitt de Lycée d'Klassen vun 7^eG bis 5^eG un.

Berufflechen Enseignement änneren

Am berufflechen Enseignement bitt de Lycée d'Klassen vun 7^eP bis 5^eP un.

Aktivitéiten änneren

Defi änneren

Den Defi ass e fräiwëllege Projet fir d'Schüler vun der 7^e. D'Schüler setzen sech selwer en gréisster Ziel, dat se am Laf vum Joer wëllen erreechen: e Buch schreiwen, eng Maquette vun engem Haus bauen, eng Sprooch leieren oder e Pullover strecken. Zum Schluss vum Joer kritt all Schüler, den säin Defi gepackt huet, op enger offizieller Feier en Diplom. iwwerreecht.

Alin&Art änneren

Alin&Art ass e Konscht-Event. All Joer invitéiert de Lycée 6 Kënschtler, déi e puer Deeg Workshops hale fir interesséiert Schüler aus alle Klassen. Hei entstinn Skulpturen, Collagen, oder Video-Installatiounen. Op engem Vernissage gi d'Konschtwierker presentéiert.

Semaine à Projets änneren

An der Semaine à Projet falen all normal Coursen aus an gin duerch ee Projet ersat, den iwwer déi ganz Woch geet. Dat kann Team Building sinn, e Projet iwwer gesond Ernierung oder iwwer ökologesch Themen.

Journée de la Solidaité änneren

Den Lycée organiséiert all Joer en Solidaritéitsdag. All Klass huet hei en eegenen Stand mat Spiller, handgemaachenen Produiten, Iessen oder Gedrénks. Am Festsall vum Lycée gëtt en VIP-Mëttegiessen zerwéiert. Déi gesammelt Suen gin un eng ONG gespent, déi vun den Schüler an den Elteren ausgewielt gëtt. Momentan ass dat d'ONGD Guiden a Scouten mat engem Ausbildungszentrum fir Jugendlecher am Südsenegal.

Voyages Scolaires änneren

Op 6e mëscht all Schüler aus dem Lycée Aline Mayrisch eng Klasserees. Verschidde Klasse fueren an d'Ardèche, anerer maachen Teambuilding zu Holzgau an Eistreich oder eng Schivakanz zu Samoëns. Op 2e organiséieren d'Klassen hier eegen Rees, den „Voyage autogéré“. D'Schüler gi sech an der Klass eens wouhin se wëllen zesumme fueren an plangen autonom hier Aktivitéiten wärend dëser Rees. Sie finanzéieren des Rees mat, an dem se op Gedrénksstänn hëllefen, mam Verkaf vun Rouse fir Valentinsdag oder aneren eegenen Verkafs-Iddien.

Science Days änneren

Wärend zwee Deeg weisen Spezialisten an Wëssenschaftler mat 25 Science-Atelieren wei d'Theorie vun der Science kann praktesch ugewannt gin.

Music in Motion änneren

All Joer am Mee ass am Conservatoire vun der Staat Lëtzebuerg den groussen Spektakel „Music in Motion“. Hei weisen d' Schüler hier Talenter an hier Begeeschterung fir d'Musek. D'Danzgruppen, d'Big Band, d'Harmonie, d'Chorale an d'Rock-, Jazz- a Blues-Ensembelen souwéi vill Solisten trieden bei dësem Event wärend dréi Stonnen op.