KlibberKleeschenSchueberMaischenAllerHerrgottsNationalSprangKirmes

KlibberKleeschen-
SchueberMaischen-
AllerHergotts-
NationalSprangKirmes
Film
Produktiounsland	Lëtzebuerg
Produktiounsjoer	1987
Première	1985
Originalsprooch	Lëtzebuergesch
Ekipp
Regie	AFO-Film; Paul Scheuer; Georges Fautsch; Maisy Hausemer
Produzent	Kulturministère; Unterrechtsministère
Schauspiller
	Filmportal - Filmer no Joren - Film no Länner - Film no Genre

KlibberKleeschenSchueberMaischenAllerHerrgottsNationalSprangKirmes, dacks ofgekierzt als Klibberkleeschen,^[1] ass en Dokumentarfilm op Lëtzebuergesch vum Paul Scheuer, Georges Fautsch a Maisy Hausemer (AFO Film). En hat den 13. Januar 1987 Première am Kino Utopia.

Ëm wat geet et am Film? Änneren

De Film dokumentéiert déi verschidde Lëtzebuerger Bräich uechter d'Joer.

Erklärungen zum Filmtitel:

"Klibber": an der Karwoch ginn d'Kanner klibberen, wëll keng Klacke lauden.
"Kleeschen": de 6. Dezember bréngt de Kleeschen de Kanner Séissegkeeten a Spillsaachen. Am Film gëtt e Besuch vum Kleeschen an engem Altersheem gewisen.
"Schueber": Enn August ass all Joer d'Schueberfouer (grouss Kiermes) an der Stad Lëtzebuerg.
"Maischen": Ouschterméindeg ass an der Stad an zu Nouspelt d'Eemaischen op där Äerdewuer a Péckvillercher verkaaft ginn.
"Aller:" Allerhellegen do geet bal all Lëtzebuerger op de Kierfecht well deen Dag d'Griewer geseent ginn.
"Herrgotts": den 2. Februar ginn d'Kanner liichten a sangen dobäi ënner anerem d'Lidd Léiwer Herrgottsblieschen.
"National": den 23. Juni ass de Lëtzebuerger Nationalfeierdag.
"Sprang": Päischtdënschdeg ass zu Iechternach d'Sprangpressioun zu Éiere vum hellege Willibrord.
"Kirmes": all Duerf huet seng Fester an dofir steet d'Wuert Kiermes.

De Film gouf vu 15.228 Leit am Kino gesinn.^[2]

Den CNA huet de Film 1998 als VHS-Kassett op de Maart bruecht, als Deel vun der Rei "Films Made in Luxembourg".^[1]