Kapell Rippeg

D'Kapell vu Rippeg ass eng kathoulesch Kapell, déi zur Par Regioun Iechternach Saint-Willibrord, zum Dekanat Osten an zu der Gemeng Bech gehéiert.

Kapell zu Rippeg
Kapell vu Rippeg (2013) Kapell vu Rippeg (2013)
Uertschaft / Plaz	Rippeg
Par	Regioun Iechternach Saint-Willibrord
Dekanat	Osten
Numm / Patréiner	Hl. Antonius
Koordinaten	49° 44’ 23.6’’ N       06° 19’ 05.1’’ O
Kierchen - Kapellen

De Patréiner vun der Kapell ass den hellegen Antonius de Klausener, deem säi Fest de 17. Januar gefeiert gëtt. Well de Patréiner heefeg zesumme mat engem Schwäin duergestallt gëtt, steet nieft der Kapell eng Skulptur vun engem Schwäin aus Bronz. D'Plaz bei der Kapell huet dofir och de Spëtznumm am Schwéngsgronn kritt.

Se steet zentral am Duerf Am Pesch, dem CR129A.

De 24. Oktober 2017 gouf d'Kapell op den Zousazinventaire vun der Lëscht vun de klasséierte Monumenter agedroen.

Zur fréierer Par Hemstel hunn ausser der Kapell vu Rippeg och nach d'Parkierch vun Hemstel, d'Filialkierch vun Altréier, d'Kapell vun Heeschbreg an d'Kapell vun Zëtteg gehéiert.

Geschicht

Zu Rippeg gouf d'selwecht wéi zu Zëtteg scho 1570 eng Kapell ernimmt. Déi haiteg Kapell gouf 1743 gebaut.

Kuckt och

• Lëscht vu reliéise Gebaier zu Lëtzebuerg
• Lëscht vun den nationale Monumenter an der Gemeng Bech

Um Spaweck

Commons: Kapell Rippeg – Biller, Videoen oder Audiodateien

• D'Kapell op der Websäit vum Parverband Konsdref
• D'Fënstere vun der Kapell vu Rippeg op der Websäit vun der Stiftung Forschungsstelle Glasmalerei des 20. Jh. e. V. (de)

• 
  D'Kapell vun Oste gesinn
• 
  Agangsportal
• 
  Relief an der Récksäit vun der Kapell