Hôpitaux Robert-Schuman
D'Hôpitaux Robert-Schuman (kuerz HRS) sinn eng Grupp vu véier Spideeler zu Lëtzebuerg, dovun dräi an der Stad Lëtzebuerg an eent zu Esch.
| Hôpitaux Robert Schuman S.A. | |
|---|---|
 | |
| Typ | Aktiegesellschaft |
| Grënnungsdatum | 27. Mäerz 2014[1] |
| Sëtz |
9, rue Edward Steichen L-2540 Stad Lëtzebuerg-Kierchbierg  Lëtzebuerg |
| Leedung |
Georges Heirendt[2] President vum Verwaltungsrot Marc Berna[3] Generaldirekter |
| Mataarbechter |
2.200 Salariéen + 250 fräiberufflech Dokteren[4] |
| Branche | Gesondheetswiesen |
| Produit | Spidol |
| Homepage | www.hopitauxschuman.lu |
 | |
Spideeler änneren
D'Grupp besteet aus follgenden Spideeler:
- Hôpital Kirchberg (um Kierchbierg)
- Clinique Bohler (um Kierchbierg)
- Zithaklinik (am Stater Garer Quartier)
- Clinique Sainte-Marie (zu Esch-Uelzecht)
Geschicht änneren
De 6. Mee 1992 hunn Kongregatioun vun de Schwëstere vun der helleger Elisabeth an d'Kongregatioun vun de Franziskanerinne gemeinsam d'Fondation François-Elisabeth (FFE) gegrënnt, fir hir Klinicken (Clinique Sacré-Cœur, Clinique Sainte-Elisabeth a Clinique Saint-François) ënner dem Daach vun enger neier Organisatioun zesummenzefaassen. De 4. Juli 2003 huet d'Spidol um Kierchbierg seng Dieren opgemaach[1].
Am Abrëll 2002 huet d'FFE e Partnerschaftsofkommes mat der Privatklinik Dr E. Bohler ënnerschriwwen, déi de 6. Januar 2006 dunn och op de Kierchbierg verluecht gouf[1]. Den 1. Abrëll 2004 huet d'FFE och d'Aktivitéite vun der Escher Clinique Sainte-Marie iwwerholl[1]. Donieft huet FFE nach eng eegen Déngschtleeschtungsfirma fir all hir Spideeler gegrënnt, déi ufanks Les Saveurs de la Santé geheescht huet a spéider a Santé Services ëmbenannt gouf. Dee Prestataire deckt all d'Beräicher vun der Gesondheetsversuergung vun der Gebuert bis zum Doud of[1].
Am Dezember 2012 hunn d'FFE an d'Zithaklinik e Memorandum of Understanding ënnerschriwwen, fir méi enk mateneen zesummenzeschaffen an en neie Spidolsverband ze bilden[5]. De 27. Mäerz 2014 hu sech déi zwou Institutiounen dunn zesummegeschloss fir d'Hôpitaux Robert Schuman ze bilden[1]. Eng Stëftung mam Numm Fondation Hôpitaux Robert-Schuman (FHRS) ass geschaaft ginn, fir déi véier Spideeler ze verwalten[6]. De President vum Verwaltungsrot vun der FHRS war de Frank Wagener an de Generaldirekter war den Dr Paul Wirtgen[6].
2018 haten déi véier Spideeler eng Capacitéit vu 750 Better[7]. Bis spéitstens 2023 soll d'Spidol um Kierchbierg ëm een Tuerm mat 15 Stäck erweidert ginn, an deem ënner anerem d'Escher Clinique Sainte-Marie soll integréiert ginn. Där hir Infrastruktur entsprécht net méi dem aktuelle Standard a soll duerno zougemaach ginn[7].
Numm änneren
D'Grupp ass nom Staatsmann Robert Schuman benannt, well hien d'Wäerter vum der Grupp géif representéieren: d'Ëffnung zu Europa an déi geschichtlech Proximitéit zur Groussregioun. De Robert Schuman wier e Mann gewiescht, dee Schwieregkeete mat Erfolleg gemeeschtert hätt, dee seng Verantwortung geholl hätt an dee staark chrëschtlech Wäerter vertrueden hätt[4].
Literatur änneren
- Peter Feist, 2021. Eine rührige Stiftung und ihre Firmen. d'Lëtzebuerger Land vum 19. Mäerz 2021, S. 2-3.
Kuckt och änneren
Referenzen änneren
- ↑ 1,0 1,1 1,2 1,3 1,4 1,5 Dossier de Presse: 15ème anniversaire de l'Hôpital Kirchberg (9. Juli 2018)
- ↑ Jean-Louis Schiltz gibt Mandat der HRS SA ab. Luxemburger Wort - Deutsche Ausgabe (2021-04-19). Gekuckt de(n) 2021-04-19.
- ↑ Hôpitaux Robert Schuman: Dr. Marc Berna neie Generaldirekter, Sandra Thein nei Adjoint. www.rtl.lu. Gekuckt de(n) 2022-02-08.
- ↑ 4,0 4,1 hopitauxschuman.lu: Le Groupe HRS (gekuckt den 12. Juli 2019)
- ↑ land.lu: Giganonnespidol (21. Dezember 2012)
- ↑ 6,0 6,1 Pressecommuniqué: Fusion Fondation François-Elisabeth - ZithaKlinik: Hôpitaux Robert Schuman: Ein neuer Krankenhausverbund ist geboren
- ↑ 7,0 7,1 paperjam.lu: Une tour pour les Hôpitaux Robert Schuman au Kirchberg (18. Juni 2018)