Hémecht
Hémecht - Revue d'histoire luxembourgeoise - Zeitschrift für Luxemburger Geschichte ass eng lëtzebuergesch Zäitschrëft iwwer d'Geschicht, virun allem vu Lëtzebuerg an der Groussregioun, déi véiermol am Joer erauskënnt. Nieft geschichtleche Sujete fënnt een der och iwwer Archeologie, Genealogie, Heraldik, Numismatik, Soziologie, asw.
D'Membere vum aktuelle Redaktiounscomité (2020) sinn: Andrea Binsfeld, Paul Dostert, Sonja Kmec, Benoît Majerus, Jean-Marie Majerus, Claudine Moulin a Michel Pauly. All Manuskripter gi vun engem wëssenschaftleche Comité evaluéiert ier se publizéiert ginn.[1]
Geschicht
ännerenD'Hémecht gouf 1895 vum Martin Blum an dem Charles Müllendorff ënner dem Numm Ons Hémecht gegrënnt. 1948 gouf et en neien Ulaf vun der Zäitschrëft ënner dem Titel T Hémecht. Vun 1948 bis 1963 sinn ënner deem Titel 15 Joergäng erauskomm.[2] Zanter 1964 dréit se den haitegen Numm Hémecht.[3]
Haaptredaktere ware vun 1963 bis 1983 de Joseph Maertz a vun 1983 bis 2011 de Paul Margue.[4],[5]
Am Januar 2012 huet e Redaktiounscomité vu véier Memberen d'Leedung vun der Zäitschrëft iwwerholl. Deen 'neie' Redaktiounscomité an déi méi breet Ausriichtung vun der Zäitschrëft goufen de 16. Januar 2012 der Ëffentlechkeet virgestallt.[6]
Vun 1948 bis 2011 gouf an der Hémecht all Joer d'Bibliographie d'histoire luxembourgeoise publizéiert. Zanterhier gëtt et als Bibliographie zu lëtzebuergesche Geschichtstheme just nach déi betreffend Rubrik an der Online-Nationalbibliographie vun der Nationalbibliothéik, déi awer manner ausféierlech ass, wéi et déi vun der Hémecht war.[7]
De 25. Mäerz 2020, am Kontext vun der COVID-19-Pandemie, huet d'Nationalbibliothéik decidéiert all Verëffentlechunge vun der Hémecht vun 1895 bis 2015 gratis am Internet op eluxemburgensia.lu zougänglech ze maachen[8].
Index
änneren- Hémecht/Index 1895-1900
- Hémecht/Index 1901-1910 (net komplett)
- Hémecht/Index 1911-1920
- Hémecht/Index 1921-1930
- Hémecht/Index 1931-1940
- Hémecht/Index 1948-1950
- Hémecht/Index 1951-1960
- Hémecht/Index 1961-1970
- Hémecht/Index 1971-1980
- Hémecht/Index 1981-1990
- Hémecht/Index 1991-2000 (net komplett)
- Hémecht/Index 2001-2010
- Hémecht/Index 2011-2020 (net komplett)
Kuckt och
ännerenUm Spaweck
änneren- Lëscht vun den Artikelen an deene leschten Nummeren op der Websäit vum forum.
- Komplett Editioun vun Ons Hémecht (1895 - 1939) op eluxemburgensia.lu
- Komplett Editioun vun T Hémecht / Hémecht (1948 - 2015) op eluxemburgensia,lu.
Referenzen
änneren- ↑ Hémecht 2020, Heft 1, S. 4 (Comité de rédaction. Comité scientifique).
- ↑ 1962 ass d'Serie net erauskomm. Quell: http://catalog.bibnet.lu/F/XF9T3BHGTNK9NMQYN7RJ65KF9TIIMQ5H9E98YT5HM1D7BCAYQ3-24029?func=direct&local_base=LUX01&doc_number=000075317
- ↑ Fir richteg misst et "Heemecht" geschriwwe ginn.
- ↑ Luxemburger Lexikon 2006, S. 170.
- ↑ Le Quotidien, 22.12.2011
- ↑ Gaston Carré, 2012. Union pour la "Hémecht". La revue d'Histoire se dote d'un nouveau comité de rédaction. Luxemburger Wort vum 18. Januar 2012, S. 15.
- ↑ Romain Hilgert: "In memoriam". d'Lëtzebuerger Land 23. Dezember 2011, S.25.
- ↑ Mise en ligne et accès gratuit à la revue d'histoire luxembourgeoise Hémecht, gelies de 26.3.2020