Haaptmenü opmaachen

Michel Pauly

lëtzebuergeschen Historiker

De Michel (Bernard Lucien) Pauly, gebuer den 12. Juni 1952 an der Stad Lëtzebuerg,[1] ass e lëtzebuergesche Geschichtsprofesser an Historiker, spezialiséiert a mëttelalterlecher Geschicht a Lëtzebuerger Landesgeschicht a politeschen Aktivist. De Michel Pauly ass zanter dem 1. August 2006 Professer fir transnational Lëtzebuerger Geschicht op der Uni Lëtzebuerg.

Michel Pauly
Gebuer 12. Juni 1952
Lëtzebuerg
Nationalitéit Lëtzebuerg
Aktivitéit Regionalhistoriker, Medievist, Universitéitsprofesser, Lycéesprofesser
Wikidata-logo-without-paddings.svg

Formatioun a FunktiounenÄnneren

No senger Première am Lycée de garçons de Luxembourg, (Latäin-Sektioun) huet de Michel Pauly Geschicht, Romanistik a politesch Wëssenschaften um Centre universitaire de Luxembourg an op der Uni vun Tübingen studéiert. Hie gouf 1976 Stagiaire, an 1980 Professer am Lycée technique Michel-Lucius zu Lëtzebuerg. 1990 huet hien op der Uni vun Tréier mam Dissertatiouns-Thema: Die Stadt Luxemburg im späten Mittelalter (Patron: Prof. Dr. Franz Irsigler) promovéiert; d'Aarbecht gouf mam Förderpreis des Jahres 1991 des Freundeskreises der Trierer Universität e.V ausgezeechent.

De Michel Pauly war 1987 Grënnungsmember vum Centre luxembourgeois de documentation et d'études médiévales (CLUDEM) um Centre universitaire zu Lëtzebuerg an ass zanterhier u Fuerschungsprojeten iwwer d'mëttelalterlech Geschicht vum lotharengesche Raum (fr: Lotharingie) bedeelegt. Hien ass ausserdeem zanter 1990 wëssenschaftleche Mataarbechter vum Geschichtsmusée vun der Stad Lëtzebuerg. 1998 gouf hie Chargé de cours um Centre universitaire de Luxembourg (Lëtzebuerger Geschicht: Altertum a Mëttelalter) an 2002 haaptamtleche Professeur-Assistant.

De Michel Pauly war 1972 Grënnungsmember vun der kulturpolitescher Zäitschrëft forum, an där hie mëttlerweil bal 800 Artikele publizéiert huet: et gëtt kaum ee Sujet, zu deem hie sech net zu Wuert mellt. Och um Radio ass hie reegelméisseg ze héieren. Vun 1989 bis 1996 war hien och nach President vun der Associatioun Jeunes et patrimoine. 1991 gouf de Michel Pauly membre correspondant vun der Section des sciences historiques vum Institut grand-ducal. An zanter 2006 ass hie President vun der Internationaler Kommissioun fir d'Geschicht vun de Stied, an där hie scho vun 2002 u Generalsekretär war.

Hie steet der Ausländerorganisatioun ASTI ganz no an ass Member vun der Plattform MINTE, déi sech fir eng Ofännerung vum Walrecht asetzt. An deem Sënn huet hien besonnesch an der Referendumscampagne vun 2015 fir de Jo zum Auslännerwalrecht militéiert[2][3].

Publikatiounen (Auswiel)Änneren

  • Beusen, Paul, Hans Rombaut & Michel Pauly, 1998. Bibliographie d'histoire des villes de Belgique et du Grand-Duché de Luxembourg. Brüssel. 895 S.
  • Christoffel, Ady, Robert Laures & Michel Pauly, 1997/1998. Éducation civique et connaissance du monde, 2 tomes, Luxembourg, = ED/EST/156, 372 S.
  • Kenn, Hans-Joachim, Jean-Paul Lacroix & Michel Pauly, 1998. Luxemburg, Metz und Trier: Mittelalterliche Rundgänge. Stadtrundgänge, Bd. 2, hrg. v. Musée d'Histoire de la Ville de Luxembourg, Luxemburg.
  • Margue, Michel & Michel Pauly: Das Leben in der mittelalterlichen Stadt. Materialien für den projektorientierten Geschichtsunterricht, Lehrerheft/Schülerheft, Luxemburg 1992.
  • Pauly, Michel, 1978. Wirtschaftliche und soziale Aspekte der Geschichte der Stadt Luxemburg im 14.und 15. Jahrhundert. Mémoire scientifique dans le cadre stage pédagogique, dactyl., Luxemburg.
  • Pauly, Michel, 1992. Luxemburg im späten Mittelalter. I. Verfassung und politische Führungsschicht der Stadt Luxemburg im 13.-15. Jahrhundert. Publications de la Section historique de l'Institut grand-ducal, t. 107, = Publ. du CLUDEM, t. 3, Luxembourg.
  • Pauly, Michel, 1994. Luxemburg im späten Mittelalter. II. Weinhandel und Weinkonsum. Publications de la Section historique de l'Institut grand-ducal, t. 109, = Publ. du CLUDEM, t. 5, Luxemburg. 380 S.
  • Pauly, Michel, 2004. Hospitäler zwischen Maas und Rhein im Mittelalter. Typologische, topographische, funktionale und spirituelle Aspekte. Habilitationsschrift, Luxemburg/Trier.
  • Pauly, Michel, 2011. Geschichte Luxemburgs. Reihe Wissen, Verlag C. H. Beck, München, August 2011. 128 S. (2 Karten) ISBN 978-3-406-62225-0.
  • Pauly, Michel, 2012. Die Maläse mit der aktuellen Notengebung. In: forum 316, Mäerz 2012; Ss. 38-40.
  • Pauly, Michel, Michel Marguel und Wolfgang Schmid (Hrsg.), 2009. Der Weg zur Kaiserkrone. Der Romzug Heinrichs VII. in der Darstellung Erzbischof Balduins von Trier. Trier.

LiteraturÄnneren

  • Renée Wagener, Ländergeschichte - Raum statt Nation ; in woxx, Nr. 1142-1143, 23. Dezember 2011; Ss. 17-18.

Um SpaweckÄnneren

ReferenzenÄnneren