Groussbus

Groussbus (lokal: Bus) ass eng lëtzebuergesch Uertschaft am Kanton Réiden an den Haaptuert vun der Gemeng Groussbus-Wal.

Groussbus Bus
Rëtsch vu klasséierten Haiser (IS) an der Mierscher Strooss
Aussprooch
An anere Sproochen	fr: Grosbous de: Grosbous
Land	Lëtzebuerg
Kanton	Réiden
Gemeng	Groussbus
Buergermeeschter	Paul Engel
Awunner	926
	1. Januar 2018
Héicht	344 m
Koordinaten	49° 49’ 39’’ N       05° 57’ 56’’ O

Geographie

Groussbus läit op enger Héicht vu 470 m.

Duerch d'Uertschaft leeft d'Waark, déi zu Gréiwels entspréngt.

Duerch Groussbus lafen d'Nationalstrooss 12 an d'N21.

Geschicht

Bous oder Buhs ass dat keltescht Wuert fir Mëllechkummer.

1989 huet een zu Groussbus um Flouer Heidebierg e Won aus der Zäit vun 1000 v. Chr. fonnt. E beleet datt d'Kelten op dëser Plaz eng Siidlung haten an als Véiziichter gelieft hunn.

Am nämmlechte Streech fënnt een Zillen an Eeserech aus der Zäit vun de Réimer.

Am 11. Joerhonnert steet zu Groussbus eng Kierch. Vun 1089 un ass d'Duerf eng eege Par.

Iwwer d'Joerhonnerten huet d'Populatioun vum Duerf deels staark ënner Kricher a Krankheete gelidden.

Joër	Zuel vun de Famillen
1473	23
1525	2
1635	24
1656	20

Tëscht 1640 a 1650 léisst de Peter Jolliot e Schlass bauen, dat 1966/67 ofgerappt gëtt.

Nodeems 1712 de Blëtz an déi al Kierch aschléit, gëtt 1719 déi haiteg Kierch gebaut. 1849 gëtt de Kierchtuerm nees vum Blëtz getraff an dat Joer drop, 1850, gëtt den neien Tuerm opgeriicht.

Virum 1. September 2023 huet Groussbus zu der Gemeng Groussbus gehéiert, där hire Chef-Lieu et war. Dës huet du mat der Gemeng Wal zu der Gemeng Groussbus-Wal fusionéiert.

Kuckt och

• Kierch Groussbus
• Lëscht vun de Lëtzebuerger Gemengen
• Lëscht vun de Lëtzebuerger Uertschaften
• Lëtzebuerger Kantonen
• Entwécklung vun der Gemengenzuel zu Lëtzebuerg
• Lëscht vun de Lëtzebuerger Stied

Um Spaweck

Commons: Groussbus – Biller, Videoen oder Audiodateien

• Offiziell Säit vun der Gemeng Groussbus
• Websäit vun der Scoutsgrupp St. Max. Kolbe vu Groussbus