Äischdall

Den Äischdall, och Dall vun de siwe Schlässer genannt, läit am Weste vu Lëtzebuerg. En huet säin Numm vun der Äisch déi derduerch leeft.

Vun Äischen bis op Miersch kann een iwwer den CR105 duerch den Äischdall fueren.

Gemengen am Äischdall

Et gëtt sechs Gemengen am Äischdall:

• Garnech
• Habscht
• Käerch
• Käerjeng
• Miersch
• Stengefort
• Helperknapp

Buergen a Schlässer am Äischdall

D'Buergen a Schlässer vum Äischdall si flossofwäerts gekuckt:

• d'Fockeschlass vu Käerch (ass ganz verschwonnen)
• d'Gréiveschlass vu Käerch
• d'Buerg vu Simmer
• d'Schlass vun Aansebuerg
• d'Buerg vun Aansebuerg
• d'Buerg vun Huelmes
• d'Schlass vu Recken (ass bal ganz verschwonnen)
• d'Schlass vu Miersch

"Dall vun de siwe Schlässer"

Am auslafenden 19. Joerhonnert, ass d'Bezeechnung "Dall vun de siwe Schlässer" (Vallée des Sept Châteaux) aus touristesche Grënn geschaffe ginn. Si fënnt sech erëm op villen ale Postkarten. Et gëtt e puer Varianten bei der Zielweis, wou jee nodeem och Buergen a Schlässer, déi net am Äischdall leien, matgezielt ginn (Schëndels a Pëtten).

Fréier Schmelzen am Äischdall

• Simmer Schmelz
• Aansebuerger Schmelz
• Kalebaacher Schmelz
• Stengeforter Schmelz

Verschiddenes

2010 huet d'Lëtzebuerger Post e Set vun zéng Timbere mat zwee verschidde Motiver ënner dem Motto "Les châteaux de la Vallée de l'Eisch" erausginn. Op fënnef identeschen Timbere sinn d'Gréiveschlass vu Käerch, d'Buerg vu Simmer an d'Schlass vun Aansebuerg ofgebilt, op deenen anere fënnef d'Buerg vun Aansebuerg, d'Buerg Huelmes an d'Schlass vu Miersch. D'Zeechnunge vun den Timbere si vum belschen Aquarellist an Illustrateur Michel Demart.

Um Spaweck

• Websäit vum Groupe d'action locale Lëtzebuerg West (de)