Haaptmenü opmaachen

De Cornel Meder, gebuer den 23. September 1938 zu Esch-Uelzecht[1] a gestuerwen den 2. Juli 2018[2], war e lëtzebuergesche Pedagog, Politiker, Schrëftsteller, Literaturkritiker an Editeur.

Cornel Meder
Gebuer 23. September 1938
Esch-Uelzecht
Gestuerwen 2. Juli 2018
Nationalitéit Lëtzebuerg
Aktivitéit Schrëftsteller, Lycéesprofesser, Literaturkritiker, Editeur
Famill
Kanner Charles Meder
Wikidata-logo-without-paddings.svg

LiewenÄnneren

De Cornel Meder ass zu Rëmeleng opgewuess an zu Esch an de Jongelycée gaangen. Hien huet dunn zu Lëtzebuerg, Léiwen, Bonn, Paräis an Tübingen studéiert. Duerno war hie Stagiär fir Däitsch am Escher Jongelycée a gouf duerno Professer fir Däitsch an Direkter vum Lycée technique Mathias Adam zu Péiteng a vum Collège d'enseignement moyen zu Diddeleng, deemools eng "Annexe" vum LTMA-P, wou hie sech fir eng polyvalent Schoul agesat huet.

Vun 1987 bis 2003 war hien Direkter vum Lëtzebuerger Nationalarchiv an huet mat zu der Grënnung vum Nationale Literaturzentrum zu Miersch bäigedroen.

Hie war Member vum Staatsrot vum 29. Dezember 1977 bis den 31. Dezember 1999.[3]

De Cornel Meder war den Editeur vun der Zäitschrëft Galerie, Direkter vum Centre Culturel vun Déifferdeng a Sekretär vun den Amis de Colpach.

Zu Déifferdeng war hie fir d'LSAP als Schäffen am Gemengerot.

WierkerÄnneren

  • Ein kleines Feld - Anmerkungen ; Déifferdang ('Galerie' Verlag), 1996; 95 S.; ISBN 2-87991-005-6
  • Wortwenden - Glossen, Monologe, Aufsätze ; Esch-Uelzecht (Verlag 'Le Phare'), 2004; 639 S.
  • Aline Mayrisch (1874-1947) - Approches ; erausgi vun der 'Croix-Rouge luxembourgeoise' (Drock: Kremer-Müller & Cie, Féitz), 1997; 63 S.
  • Steinberg. Erinnerungen. 2018 (Memoiren)

EditiounenÄnneren

  • André Gide - Aline Mayrisch: Correspondance 1903-1946, erausginn an annotéiert duerch de Pierre Masson an de Cornel Meder; in: Les Cahiers de la NRF (-> Cahiers André Gide, Nr. 18); Paräis, Verlag 'Gallimard', 2003; 379 S.; ISBN 2-07-072946-X
  • Aline Mayrisch - Jacques Rivière: Correspondance 1912-1925, erausginn an annotéiert duerch de Pierre Masson an de Cornel Meder; 'Centre d'études gidiennes', 2007; 189 S.
  • Aline Mayrisch - Jean Schlumberger: Correspondance 1907-1946, erausginn an annotéiert duerch de Pascal Mercier an de Cornel Meder; Lëtzebuerg, 'Publications nationales', 2000; 697 S.
  • Aline Mayrisch-de Saint-Hubert & Marie Delcourt-Curvers: Correspondance 1923-1946 ; editéiert a commentéiert vun der Catherine Gravet an dem Cornel Meder; eng Publikatioun vum 'Cercle des Amis de Colpach', 2009; 509 S.

GielercherÄnneren

LiteraturÄnneren

Kuckt ochÄnneren

ReferenzenÄnneren