Baaschtnech

Baaschtnech (Bastogne op Franséisch a Wallounesch, Bastenaken op Hollännesch, Bastnach op Däitsch) ass eng Stad, Sektioun an Haaptuert vun der Gemeng mat deem selwechten Numm an der belscher Provënz Lëtzebuerg.

Baaschtnech
An anere Sproochen	fr: Bastogne de: Bastnach wa: Bastogne nl: Bastenaken
Land	Belsch
Regioun	Wallounien
Communautéit	Franséisch Communautéit
Provënz	Lëtzebuerg
Arrondissement	Baaschtnech
Awunner	14 577 (1. Jan. 2008)
Fläch	17,203 km²
Koordinaten	50° 00’ 15’’ N       05° 43’ 12’’ O
Telefonszon	061
Postcode	6600
Websäit	https://www.bastogne.be
Lag vun der Gemeng (rout) an der Provënz Lëtzebuerg (hellgro) am Arrondissement Baaschtnech (donkelgro)

Zanter der belscher Gemengereform vun 1977 gehéieren haut déi fréier Gemenge Longvilly, Noville, Villers-la-Bonne-Eau a Wardin zu der Gemeng Baaschtnech.

Zur haiteger Sektioun Baaschtnech gehéiere follgend Uertschaften: Bizory, Hemroulle, Isle-la-Hesse, Isle-le-Pré, Savy a Senonchamps.

Baaschtnech läit op der Nationalstrooss N4 déi vun Arel bis op Baaschtnech zu der Voie de la Liberté gehéiert.

Um Territoire vun der Uertschaft Al Hé an der fréierer Gemeng Longvilly huet d'Lingserbaach hir Quell.

D'Awunner gi Bastognards genannt.

Geschicht

Baaschtnech daucht eng éischt Kéier 634 schrëftlech op, wéi en Herzog vun Austrasien der Abtei vun Tréier säi Besëtz vu Baaschtnech iwwerdréit, dee 721 un d'Abtei Prüm iwwergeet. An der Ardennenoffensiv, am Wanter 1944/45, hat Baaschtnech besonnesch vill ze leide gehat. E Memorial, dat sougenannte Monument um Mardasson, erënnert dorun. Do donieft steet de Bastogne Historical Center, e Musée iwwer d'Kämpf ëm a ronderëm Baaschtnech.

Wopen a Fändel

De Baaschtnecher Wopen erënnert un d'Vergaangenheet vu Baaschtnech dat am 13. Joerhonnert dem Doumkapitel Notre-Dame vun Oochen gehéiert huet. Vum Baaschtnecher Wope wësse mer datt en eng éischt Kéier den 18. November 1818 vum Hollännesche Kinnek an engem Arrêté festgehale gouf:

In de lengte doorgesneeden van rood en blauw. De mooeder Gods en het Kindeke geplaatst op het geheel. Het schild gedekt met en gouden kroon.
[Partie de gueules et d'azur, à la Sainte Vierge avec l'Enfant Jésus brochant sur le tout. L'écu sommé d'une couronne d'or.]

No der Onofhängegkeet gouf am neie Staat nees alles frësch konfirméiert. Dofir goufen zwou Decicisiounen am Gemengerot geholl an zwar den 11. Dezember 1837 an de 5. August 1841 déi mat engem Arrêté royal vum 13. Abrëll 1842 confiméiert goufen:

Mi-parti[es] de gueule et d'azur, à la Sainte Vierge avec l'Enfant Jésus au naturel, vêtus et couronnés d'or. L'écu timbré d'une couronne de même.

Fir et dann nach eng Kéier besser ze maachen, gouf dunn no de Gemengefusioune mat Longvilly, Noville, Villers-la-Bonne-Eau a Wardin den 23. Februar 1977 déi ganz Prozedur mat enger Decisioun vum Gemengerot nees eng Kéier frësch ugekierpt. Den Arrêté royal gouf de 24. Abrëll 1980 geholl an d'Publikatioun am Moniteur belge war de 4. Juli 1980 mat follgender Beschreiwung:<br<

Brochant sur un parti cousu de gueules et d'azur, la Sainte Vierge avec l'Enfant Jésus, de carnation, vêtus d'or et ceints d'une couronne à trois fleurons du même, la Vierge tenant de la senestre un sceptre fleurdelisé aussi d'or. L'écu sommé d'une couronne à cinq fleurons d'or.

De Fändel vu Baaschtnech ass follgendermoosse beschriwwen:

Divisé transversalement en deux, rouge à la hampe et bleu au large.

Jumelagen

Baaschtnech ass mat Périers an der Normandie jumeléiert, an huet de 16. Abrëll 2005 eng Partnerschaft mat der Gemeng Tulette an der Drôme geschloss.

Literatur

• Auguste Neyen, Histoire de la Ville de Bastogne depuis son origine celtique jusqu'à nos jours; Lëtzebuerg (Vic. Bück), 1868; d'Buch gouf 1982 zu Bréissel (Éd. Culture et Civilisation) nei opgeluecht; 494 Säiten.
• Louis Lefèbvre, Histoire de Bastogne; Bd. I: Des origines à Jean l'Aveugle - De Jean l'Aveugle à 1500; Arel, 1990.

Buergermeeschtere vu Baaschtnech

Zäit	Buergermeeschter	Bemierkungen
Belsch Revolutioun – 1832	François Thomas
11.08.1832 – 31.12.1842	François Siville
01.01.1843 – 14.05.1846	Henri Metz	Gestuerwe virum Enn vum Mandat
18.07.1846 – 13.04.1868	François Hansez	Gestuerwe virum Enn vum Mandat
	François Thomas	(ff)
28.10.1868 – 08.07.1871	François Thomas	Gestuerwe virum Enn vum Mandat
	Victor Mortehan	(ff)
10.11.1871 – 11.07.1872	Arsène André	Demissionéiert
02.09.1872 – 31.12.1884	Victor Mortehan
01.01.1885 – 31.12.1887	Lucien Eschweiler
01.01.1888 – 31.12.1890	Victor Mortehan
01.01.1891 – 25.05.1895	Louis Lambotte	Demissionéiert
	Firmin Delferriere	(ff)
21.01.1896 – 21.12.1903	Louis Lambotte
01.01.1904 – 31.12.1911	Stanislas Duschêne
01.01.1912 – 01.12.1925	Alphonse Lefèbvre	Gestuerwe virum Enn vum Mandat
	Evrard Blérot	(ff)
03.09.1926 – 31.12.1926	Evrard Blérot
01.01.1927 – 29.11.1940	Alphonse Materne	Ofgesat vun der däitscher Besatzung
13.07.1940 -	? Parmentier	f.f Genannt vun den Däitschen
05.05.1941 – 10.06.1944	Pierre Renquin	(ff) Verhaft vun den Däitschen
00.06.1944 - 00.09.1944	Joseph Jeangout	(ff) genannt vun den Däitschen
00.09.1944 – 31.07.1945	Léon Jacqmin	(ff) genannt vun den Amerikaner
31.07.1945 – 31.12.1964	Pierre Renquin
01.01.1965 – 31.12.1976	Louis Olivier	Ersat duerch de Charles Govaerts déi Zät an där e Minister war.
01.01.1977 – 2000	Guy Lutgen	PSC
	Joseph MOINET	(ff) 86, 87, 88, 94 – PSC
	Philippe Collard	(ff) 95, 96, 97, 98
	Gilbert Stilmant	(ff) 99 – PSC
Zanter 2001	Philippe Collard	MR Député fédéral zanter dem 14.07.99 Conseiller provincial vun 1985-1999

Kuckeswäertes

• De Mémorial du Mardasson
• De Musée Bastogne Historical Center
• D'Porte de Trèves, en Iwwerrescht vun de Verdeedegungsmaueren déi am 14. Joerhonnert vum Jang dem Blanne baue gelooss goufen
• D'Kierch Saint-Pierre

Um Spaweck

Commons: Baaschtnech – Biller, Videoen oder Audiodateien

• Offiziell Säit vu Baaschtnech

D'Kierch St. Pierre aus dem 12.-16. Joerhonnert

D'Porte de Trèves

D'Generol-McAuliffe-Plaz