Antoine Jans

Den Antoine Jans, gebuer den 28. Januar 1868 zu Iechternach, a gestuerwen den 10. Februar 1933 an der Stad Lëtzebuerg, war e Keramikmoler.

Antoine Jans
Gebuertsnumm	Anton Jans
Gebuer	28. Januar 1868 Iechternach
Gestuerwen	10. Februar 1933 Lëtzebuerg
Nationalitéit	Lëtzebuerg
Aktivitéit	Moler

No puer Joer Secondaire am Iechternacher Kolléisch goung hie mat véierzéng Joer an d'Großherzoglich Luxemburgische Porzellanmalerei - Echternach, déi, vun de Bridder Zens vu Mettlach, an der aler Iechternacher Abteikierch bedriwwe gouf, schaffen. Duerno koum hien als Chefmoler an d'Parzeläinsfabréck Villeroy & Boch an de Rollengergronn op de Siwebueren, bis zu senger Pensioun den 1. Januar 1925. Um Enn vu senger Beruffskarriär war hie bal blann.

Hien huet mat Virléift Schlässer-, Blummen- a Vullemotiver gemoolt.

Säi lescht Wierk war d'Titelbild vum Michel Molitor a Léon Berchem hirem Buch Heimatsagen.

Hie war de Grousspapp vum Moler a Sculpteur Pierre Berchem an den Urgrousspapp vum Museker Carlo Jans.

An der Stad Lëtzebuerg, am Rollengergrond, gouf eng Strooss no him genannt.

Fotoalbum vu senge Wierker (Auswiel)

• 
• 
• 
• 
  D'Schlass Bierg

• 
  Titelsäit Heimatsagen

Literatur

• Aschman, Camille, Alphonse Sprunck, Willy Gilson, Pierre Grégoire, Lucien Koenig, Josy Meyers a.o.: Antoine Jans peintre céramiste de la Faïencerie de Septfontaines 1868 - 1933, Imprimerie Saint-Paul, Lëtzebuerg, 1950