Josy Meyers
|
Dësen Artikel beschäftegt sech mat Moler Josy Meyers. Fir de LInguist an Historiker Joseph Meyers, kuckt wgl. Joseph Meyers. |
De Jean Joseph, genannt Josy Meyers, gebuer den 12. Mäerz 1902 zu Ëlwen[1] a gestuerwen den 29. September 1970 zu Stroossen[2], war e lëtzebuergeschen Zeecheprofesser a Moler. Hien ass bekannt duerch seng Landschaften, Nuën, Portraiten a Blummen.
| Josy Meyers | |
|---|---|
| Gebuer |
12. Mäerz 1902 Ëlwen |
| Gestuerwen |
29. September 1970 Stroossen |
| Nationalitéit | Lëtzebuerg |
| Educatioun |
Akademie der Bildenden Künste München, École nationale supérieure des beaux-arts |
| Aktivitéit | Moler |
| Famill | |
| Bestuet mat | Carin Meyers-Urban |
 | |
No der Handwierkerschoul huet de Josy Meyers op der École de peinture "Van der Kelen" zu Bréissel studéiert. Vun 1922 bis 1923 war hien zu München a vun 1923 - 1926 huet hien op der École nationale des beaux-arts zu Paräis studéiert.
An den 1920er Joren huet hie sech mat der Konschthandwierkerin a Molerin Carin Urban bestuet. Hie war Member vum Cercle Artistique de Luxembourg (CAL) an huet an den alljärleche Salonen ausgestallt.
1927 huet hien den Exame fir Zeecheprofesser gemaach a war vun 1927 bis 28 Stagiaire als Zeecheprofesser an der Industrieschoul a vun 1928 bis 29 Stagiaire an der Handwierkerschoul.
Vun 1930 bis 1963 - senger Pensioun - war hien Zeecheprof an der Handwierkerschoul an der Stad Lëtzebuerg.
Ausstellungen an Auszeechnungen
änneren- De Josy Meyers huet bei internationalen Ausstellungen zu Bréissel, Paräis a New York matgemaach
- 1927 krut hien de Prix Grand-Duc Adolphe.
- 1931 huet d'Post ee Käppchen erausbruecht mat engem Motiv vum Josy Meyers.
- An der Stad Lëtzebuerg an zu Rodange goufe jee eng Strooss no him genannt.[3]
Nom Zweete Weltkrich huet de Josy Meyers grouss Uelegbiller vun den zerstéierten Éisleker Dierfer gemoolt: Housen, Munzen, Kehmen, Bärel, Baastenduerf, Veianen, Nacher a Béiwen.
Um Spaweck
ännerenKuckt och
ännerenReferenzen
änneren- ↑ Gebuertsakt Nr. 18 vum 12. Mäerz 1902 zu Ëlwen
- ↑ Doudesannonce am Luxemburger Wort vum 30. September 1970
- ↑ L-2178; L-4838.
- ↑ Kate Comparini-Martin, "Reiches und mannigfaches künstlerisches Schaffen", Escher Tageblatt, 20 Oktober 1943
- ↑ "Les peintres et sculpteurs luxembourgeois", Luxemburger Wort, 24 September 1945