Wale fir d'Europäescht Parlament 1979 (Lëtzebuerg)
Bei de Wale fir d'Europäescht Parlament 1979 goufen déi sechs Deputéiert gewielt, déi Lëtzebuerg am Europäesche Parlament fir d'Sëtzungsperiod 1979-1984 vertrueden hunn.
Fir d'éischt Kéier waren et Direktwalen, dat heescht datt déi 410 Deputéiert vun den deemools néng Memberstaaten direkt vum Vollek fir eng Period vu fënnef Joer gewielt goufen. Virdrun huet sech d'Europaparlament aus Vertrieder vun den nationale Parlamenter zesummegesat[1].
Si goufen den 10. Juni 1979 ofgehalen, als Deel vun den allgemenge Wale fir d'Europäescht Parlament 1979, an zäitgläich mat de Wale fir d'Chamber.
Zuel vun den Deputéiert
ännerenNo laange Verhandlungen am Virfeld vun de Walen, konnt Lëtzebuerg als klengsten EU-Memberstaat duerchsetzen, datt all Land op d'mannst sechs Deputéiert zougestane kritt, fir eng gewësse Pluralitéit bei der politescher Representatioun vun engem Memberstaat um europäesche Plang ze garantéieren. Well streng geholl, hätt Lëtzebuerg proportionell zu der Awunner nëmmen dräi Deputéiert zegutt gehat. Parallel dozou gouf awer och d'Héchstzuel vun den Deputéiert pro Land op 81 festgeluecht, fir e Gläichgewiicht tëscht de grousse Länner Däitschland, Frankräich, Italien a Groussbritannien ze schafen[1].
Resultat
ännerenD'CSV koum op 36,12 Prozent vun de Stëmmen an domat op 3 Sëtz; direkt gewielt goufen de Pierre Werner, Fernand Boden a Jacques Santer. Déi dräi hunn awer op hiert europäescht Mandat verzicht fir e Ministerposten an der Lëtzebuerger Regierung unzehuelen. Se goufen ersat duerch de Jean Spautz, Nicolas Estgen a Marc Fischbach.
Zweetstäerkst Kraaft mat 28,12% vun de Stëmme gouf d'DP mat 2 Sëtz. Vun den Direktgewielten huet d'Colette Flesch hiert Mandat ugeholl, iwwerdeems de Gaston Thorn mat an d'Regierung goung. Fir hien ass de Jean Hamilius an d'EU-Parlament nogeréckelt.
De leschte Sëtz goung un d'LSAP déi 21,64 Prozent vun de Stëmme krut an de Victor Abens als Deputéierten an d'EU-Parlament geschéckt huet.
| Partei | % | Ënnerscheed | Sëtz | Ënnerscheed | |
|---|---|---|---|---|---|
| CSV (Chrëschtlech Sozial Vollekspartei) |
36,12 | 3 | |||
| DP (Demokratesch Partei) |
28,12 | 2 | - | ||
| LSAP (Lëtzebuergesch Sozialistesch Aarbechterpartei) |
21,64 | 1 | |||
| SDP Sozialdemokratesch Partei |
7,00 | 0 | |||
| KPL (Kommunistesch Partei Lëtzebuerg) |
5,00 | 0 | |||
| LCR (Ligue communiste révolutionnaire) |
0,52 | 0 | |||
| Alternativ Lëscht "Wiert Iech!" | 0,97 | 0 | |||
| Liberal Partei | 0,58 | 0 | |||
| Total | 100 | - | 6 | - | |
| Quell: CEVIPOL, UBL | |||||
Deputéiert
änneren- Jean Spautz (EVP) (bis 1980), op d'5. Plaz gewielt, de Pierre Werner, Jacques Santer, Fernand Boden, Camille Ney an Jean Wolter ginn an d'Regierung Werner-Thorn-Flesch
- Nicolas Estgen (EVP), op d'7. Plaz gewielt
- Marc Fischbach (EVP) op d'8. Plaz gewielt
- Marcelle Lentz-Cornette (EVP) (vum 5. Mäerz 1980 un) op d'10. Plaz gewielt de Nicolas Mosar ass an d'Chamber gaang
- Colette Flesch (ALDE) (bis den 22. November 1980) op d'2. Plaz gewielt de Gaston Thorn, Josy Barthel an Emile Krieps ginn an d'Regierung Werner-Thorn-Flesch
- Jean Hamilius (ALDE) op d'5. Plaz gewielt
- René Mart (ALDE) (vum 26. November 1980 un) op d'6. Plaz gewielt
- Charles Goerens (ALDE) (vum 15. Februar 1982 un) op d'8. Plaz gewielt den Carlo Meintz ass an d'Chamber gaang
- Victor Abens (ESP)
Kuckt och
änneren- Lëscht vun de lëtzebuergeschen Europadeputéierten (1979 bis haut).
Literatur
änneren- Steve Bissen: So lief die erste Europawahl in Luxemburg op wort.lu den 1. Abrëll 2019 an ënnert dem Titel "Von Gewinnern und Verlierern" am Luxemburger Wort vum 1. Abrëll 2019, S. 4