Regierung Werner-Thorn-Flesch

D'Regierung Werner-Thorn ass aus de Chamberwale vum 10. Juni 1979 ervirgaangen. Et war eng Koalitiounsregierung aus CSV an DP, déi de 16. Juli 1979 vereedegt gouf an aus 9 Ministeren an 2 Staatssekretäre bestanen huet.

Den 3. Mäerz 1980 koum et zu enger éischter Ëmbildung, wéi de Jean Spautz de Jean Wolter remplacéiert huet, dee gestuerwe war.

Den 22. November 1980 gouf d'Colette Flesch zur Vizepresidentin vun der Regierung, Ministesch fir Aussebezéiungen, Aussenhandel a Kooperatioun, Ministesch fir Wirtschaft a Mëttelstand a Justizministesch ernannt, nodeem de Gaston Thorn zum President vun der Europäescher Kommissioun ernannt gouf.

Déi sou entstane Regierung Werner-Flesch ass den 21. Dezember 1982 eng lescht Kéier ëmbesat ginn, nodeem de Camille Ney zeréckgetruede war. Den Ernest Mühlen huet seng Dossierë Landwirtschaft, Wäibau, Waasser a Bëscher iwwerholl. De Jean-Claude Juncker gouf Staatssekretär.

Zesummesetzung

Vum 16. Juli 1979 bis den 3. Mäerz 1980

Pierre Werner (CSV), President vun der Regierung, Staatsminister, Kulturminister.
Gaston Thorn (DP), Vizepresident vun der Regierung, Minister fir Aussebezéiungen, Aussenhandel a Kooperatioun; Minister fir Wirtschaft a Mëttelstand; Justizminister
Emile Krieps (DP), Gesondheetsminister, Arméiminister, Sportminister
Camille Ney (CSV), Minister fir Landwirtschaft, Wäibau, Waasser a Bëscher
Josy Barthel (DP), Ëmweltminister; Minister fir Transport, Kommunikatioun an Informatik; Energieminister
Jacques Santer (CSV), Finanzminister, Minister fir Aarbecht a Sozial Sécherheet
René Konen (DP), Minister fir Fonction Publique an Ëffentlech Aarbechten
Jean Wolter (CSV), Inneminister; Minister fir Famill, Soziale Wunnengsbau a Sozial Solidaritéit
Fernand Boden (CSV), Bildungsminister; Tourismusminster
Ernest Mühlen (CSV), Staatssekretär fir Finanzen
Paul Helminger (DP), Staatssekretär fir Aussebezéiungen, Aussenhandel a Kooperatioun; Staatssekretär fir Wirtschaft a Mëttelstand; Staatssekretär fir Justiz

Vum 3. Mäerz 1980 bis den 22. November 1980

Pierre Werner (CSV), President vun der Regierung, Staatsminister, Kulturminister.
Gaston Thorn (DP), Vizepresident vun der Regierung, Minister fir Aussebezéiungen, Aussenhandel a Kooperatioun; Minister fir Wirtschaft a Mëttelstand; Justizminister
Emile Krieps (DP), Gesondheetsminister, Arméiminister, Sportminister
Camille Ney (CSV), Minister fir Landwirtschaft, Wäibau, Waasser a Bëscher
Josy Barthel (DP), Ëmweltminister; Minister fir Transport, Kommunikatioun an Informatik; Energieminister
Jacques Santer (CSV), Finanzminister, Minister fir Aarbecht a Sozial Sécherheet
René Konen (DP), Minister fir Fonction Publique an Ëffentlech Aarbechten
Jean Spautz (CSV), Inneminister; Minister fir Famill, Soziale Wunnengsbau a Sozial Solidaritéit
Fernand Boden (CSV), Bildungsminister; Tourismusminster
Ernest Mühlen (CSV), Staatssekretär fir Finanzen
Paul Helminger (DP), Staatssekretär fir fir Aussebezéiungen, Aussenhandel a Kooperatioun; Staatssekretär fir Wirtschaft a Mëttelstand; Staatssekretär fir Justiz

Vum 22. November 1980 bis den 3./21. Dezember 1982

Pierre Werner (CSV), President vun der Regierung, Staatsminister, Kulturminister.
Colette Flesch (DP), Vizepresidentin vun der Regierung, Ministesch fir Aussebezéiungen, Aussenhandel a Kooperatioun; Ministesch fir Wirtschaft a Mëttelstand; Justizministesch
Emile Krieps (DP), Gesondheetsminister, Arméiminister, Sportminister
Camille Ney (CSV), Minister fir Landwirtschaft, Wäibau, Waasser a Bëscher
Josy Barthel (DP), Ëmweltminister; Minister fir Transport, Kommunikatioun an Informatik; Energieminister
Jacques Santer (CSV), Finanzminister, Minister fir Aarbecht a Sozial Sécherheet
René Konen (DP), Minster fir Fonction Publique an Ëffentlech Aarbechten
Jean Spautz (CSV), Inneminister; Minister fir Famill, Soziale Wunnéngsbau a Sozial Solidaritéit
Fernand Boden (CSV), Bildungsminister; Tourismusminster
Ernest Mühlen (CSV), Staatssekretär fir Finanzen
Paul Helminger (DP), Staatssekretär fir fir Aussebezéiungen, Aussenhandel a Kooperatioun; Staatssekretär fir Wirtschaft a Mëttelstand; Staatssekretär fir Justiz

Vum 21. Dezember 1982 bis den 20. Juli 1984

Pierre Werner (CSV), President vun der Regierung, Staatsminister, Kulturminister.
Colette Flesch (DP), Vizepresidentin vun der Regierung, Ministesch fir Aussebezéiungen, Aussenhandel a Kooperatioun; Ministesch fir Wirtschaft a Mëttelstand; Justizministesch
Emile Krieps (DP), Gesondheetsminister, Arméiminister, Sportminister
Josy Barthel (DP), Ëmweltminister; Minister fir Transport, Kommunikatioun an Informatik; Energieminister
Jacques Santer (CSV), Finanzminister, Minister fir Aarbecht a Sozialversécherung
René Konen (DP), Minster fir Fonction Publique an Ëffentlech Aarbechten
Jean Spautz (CSV), Inneminister; Minister fir Famill, Soziale Wunnéngsbau a Sozial Solidaritéit
Ernest Mühlen (CSV), Minister fir Landwirtschaft, Wäibau, Waasser a Bëscher; Chargé de Mission am Finanzministère
Fernand Boden (CSV), Bildungsminister; Tourismusminster
Paul Helminger (DP), Staatssekretär fir fir Aussebezéiungen, Aussenhandel a Kooperatioun; Staatssekretär fir Wirtschaft a Mëttelstand; Staatssekretär fir Justiz
Jean-Claude Juncker (CSV), Staatssekretär fir Aarbecht a Sozialversécherung

Um Spaweck

Thewes, Guy: Les gouvernements du Grand-Duché de Luxembourg depuis 1848, ISBN 2-87999-118-8
Le gouvernement du Grand-Duché de Luxembourg 2013, Service information et presse du gouvernement (2014)
Le gouvernement du Grand-Duché de Luxembourg 2018 , Service information et presse du gouvernement (2019)

Steve Bissen, Wie Phönix aus der Asche op wort.lu de 16. August 2018 an an der Drockversioun vum Luxemburger Wort vum 16. August 2018, Säit 2