Waassertuerm (Tramshalt)

Waassertuerm ass eng Halt op der Linn T1 vum Stater Tramsreseau, déi de 7. Juli 2024 opgaangen ass.

Waassertuerm

De Tram fiert aus der Halt Waassertuerm a Richtung Luxexpo eraus
Typ	Tramshalt
Status	am Gebrauch
opgaang	7. Juli 2024
genannt no	Waassertuerm op der Cloche d'Or
Lag vun der Statioun
Land	Lëtzebuerg
Gemeng	Lëtzebuerg
Uertschaft	Gaasperech
Koordinaten	49°34'45,55"N, 6°7'13,55"O, 49°34'49,66"N, 6°7'14,88"O
Reseau
Bedreiwer	LuxTram
Reseau	Stater Tram
Linn(en)	Luxtram-Linn T1
Gleiser mat Quai	2
Nopeschstatioun(en)	Lycée Vauban, Stadion

Lag vun der Statioun

D'Statioun läit um Boulevard de Kockelscheuer am Quartier Gaasperech vun der Stad Lëtzebuerg, tëscht de Statioune Lycée Vauban am Norden a Stadion am Süden.

aus Richtung	virdrun	Statioun	duerno	a Richtung
Findel - Luxembourg Airport (vu Mäerz 2025 un)	Lycée Vauban	Waassertuerm	Stadion	Stadion

D'Statioun läit direkt beim Waassertuerm vun der Cloche d'or, no deem s'och genannt ass.

Infrastruktur

D'Statioun huet 2 Gleiser mat jeeweils engem säitleche Quai. Et ass déi eenzeg Statioun wou déi zwéi Quaien net géintiwwer vunenee leien, mä versat sinn. De Quai a Richtung Luxexpo läit nërdlech vun der Kräizung Rue Émile Bian / Rue Isaac Newton, iwwerdeems deen a Richtung Stadion südlech vun der Kräizung läit. S'ass mat Tramshaisercher an elektroneschen Informatiounspanneauen ekipéiert a fir Persoune mat ageschränkter Mobilitéit accessibel.

D'Statioun huet een Uschloss op AVL-Buslinnen (Halt: Gasperich, Waassertuerm).

Biller

• D'Tramshalt
• 
  D'Tramshalt a Richtung Stadion
• 
  Den Tram fiert a Richtung Lycée Vauban
• 
  D'Tramshalt mam Waassertuerm am Hannergrond

Kuckeswäertes an der Ëmgéigend

• 
  De Stater Waassertuerm op der Cloche d'or
• 
  d'Crystal Park-Gebai vu PWC
• 
  de Fouss- a Vëloswee Couloir écologique laanscht den Niewenaarm vun der Drosbech

Um Spaweck

Commons: Waassertuerm (Tramshalt) – Biller, Videoen oder Audiodateien