Rue Munster

Strooss am Gronn an der Stad Lëtzebuerg

D'Rue Munster (am Lëtzebuerger Sproochgebrauch: Mënstergaass) ass eng Strooss am Gronn an der Stad Lëtzebuerg.

Rue Munster
Luxembourg, rue Munster - nom de rue.jpg
Numm lb: Mënstergaass
fr: Rue Munster
Fréieren Numm de: Hospizstraße
Längt ca. 210 m
Land Lëtzebuerg
Gemeng Lëtzebuerg
Uertschaft Lëtzebuerg
Quartier Gronn
Postcode 2160
Koordinaten 49° 36’ 34.3’’ N
06° 08’ 08.6’’ O

Si huet hiren Ufank Op der Schmëdd, leeft iwwer d'Grënnesch Uelzechtbréck, dréint dann a Richtung Norden a féiert weider bis bei den Agank vun Neimënster.

GeschichtÄnneren

D'Gaass déi bei dat aalt Klouschter gefouert huet, huet am 14. a 15. Joerhonnert Schelmergasse geheescht, als Uspillung dorop, datt den Henker hei gewunnt huet. „Schelmer“ kënnt aus dem Mëttelhoudäitschen an housch esouvill wéi doudege Kierper[1]. Am 17. an 18. Joerhonnert war et d'Henkeschgaass (nach ëmmer als Uspillung op den Henker) an duerno d'Hospizstraße mat Referenz op den Hospice am Gebai wou méi spéit de Fraeprisong dra war.

  Méi Informatioun doriwwer am Artikel: Hospice Saint-Jean

Den Odonym Rue Munster deen d'Strooss duerno krut, ass zeréckzeféieren op d'Benediktinerabtei Neimënster déi an der Mëtt vum 16. Joerhonnert do gegrënnt gouf.

Um Enn vum 18. Joerhonnert huet de Bäcker Adam Bastien am Haus 16 huet gewunnt. Wéi d'Neimënsterabtei 1796 vun de franséische Revolutionäre sekulariséiert gouf, huet hien dem Jang de Blannen seng Schanken an enger Grott hanner sengem Haus verstoppt, ier se méi spéit op Mettlach transportéiert goufen.

BillerÄnneren

Kuckt ochÄnneren

LiteraturÄnneren

Um SpaweckÄnneren

Commons: Rue Munster – Biller, Videoen oder Audiodateien

Referenzen an NottenÄnneren

  1. Schelm am „Deutsches Wörterbuch von Jacob Grimm und Wilhelm Grimm“