Haaptmenü opmaachen

Den Évrard Jean Pierre ("Evy") Friedrich gebuer den 30. Abrëll 1910 an der Stad Lëtzebuerg, a gestuerwen den 30. Juli 1989, war e lëtzebuergesche Journalist, Filmemécher, Editeur a Chronist.

Evy Friedrich
Gebuer 30. Abrëll 1910
Gestuerwen 30. Juli 1989
Nationalitéit Lëtzebuerg
Aktivitéit Filmregisseur, Filmkritiker, Journalist
Wikidata-logo-without-paddings.svg

Hien huet sech besonnesch fir de Kino intresséiert, an huet jorelaang Filmkritike publizéiert. 1947 huet hien och en eegene Kuerzfilm gedréint: Les danseurs d'Echternach, eng Docu-fiction iwwer d'Iechternacher Sprangprëssessioun. Dat war den éischte Lëtzebuergesche Film, deen zu Cannes um Filmfestival gewise gouf (Kategorie "Documentaire").

An den 1980er Joren hat hien am Lëtzebuerger Programm vu Radio Lëtzebuerg eng Chronik, Kalennerblieder genannt. Dës huet hien, no eegenen Aussoen, als eng Zort Virleefer vun engem Lexikon iwwer Lëtzebuerg ugesinn.

A sengem Roman De franséischen Doud vum Oscar Messidor vun 2007 huet de Josy Braun him, als "Fred Evrard", e literarescht Denkmal gesat.

Hien huet nach ënner folgende Pseudonyme geschriwwen: A. Béjo; C.T.; Jacques Cartier; Censor; Marcel Contin; E.F. / e.f.; Filaxen Hary; Fréf; Harungo Marino; Willy Helm; Impresario; Jacques et Marcel; Camille Kraus; Kucki; Le; René Maupert a Wanda.

No him genanntÄnneren

Am Quartier Gaasperech vun der Stad Lëtzebuerg ass eng Strooss nom Evy Friedrich genannt: d'rue Evy Friedrich, eng Sakgass op béiden Enner, déi parallel zur Escher Strooss leeft an iwwer d'rue Léopold-Hoffmann z'erreechen ass. Den Numm krut d'Strooss duerch eng Decisioun vum Stater Schäfferot vum 11. November 2014.[1]

Schrëftlech WierkerÄnneren

  • Der Spiegel, 1937, 2 Bänn vun 160 Säiten, Malpaartes-Verlag
  • Camping-Briefe, 1939, 76 S., Luxemburger Genossenschafts-Druckerei, Esch-Uelzecht
  • Jamboree am Wolfgangsee, 1951, 30 S., C.O.P.E.
  • Die Tage der Wende - Luxemburgische Umsiedler in Niederschlesien erleben die Tage der Befreiung durch die Rote Armee, 1951, 70 S., C.O.P.E.
  • Notiert in der Sowjetunion, 1953, 120 S., Luxembourg-U.R.S.S.
  • Der 10. Mai - Versuch einer zusammenfassenden Darstellung, 1955, 24 S., C.O.P.E
  • Als Luxemburg entvölkert werden sollte - Geschichte und Geschichten der Umsiedlung, 1969, 159 S., Bourg-Bourger
  • Zeitung in Luxemburg - chronologischer Überblick, 1975, 31 S., Bourg-Bourger
  • Kalennerblieder, 5 Bänn, 1978 - 1985, Bourg-Bourger, J.-P. Krippler-Muller

FilmerÄnneren

Als Regie-AssistentÄnneren

Als RegisseurÄnneren

QuellenÄnneren

Kuckt ochÄnneren

Um SpaweckÄnneren

Referenzen an NottenÄnneren

  1. Simone Beck, 2017. Was bedeuten die Straßennamen der Stadt? ons stad 114, S. 55.