Op der Schmëdd (Stad Lëtzebuerg)

Op der Schmëdd ass den Numm vun enger Plaz am Gronn an der Stad Lëtzebuerg. Se läit westlech vun der Kräizung wou d'Tilleschgaass, den Neie Wee an d'Mënsterstrooss openee stoussen.

Op der Schmëdd

Numm	lb: Op der Schmëdd
Längt	ca. 15 x 15 m
Land	Lëtzebuerg
Gemeng	Lëtzebuerg
Uertschaft	Lëtzebuerg
Quartier	Gronn
Postcode	1645
Koordinaten	49° 36’ 30.2’’ N       06° 08’ 06.0’’ O

Vun der Schmëdd aus kann ee mam Lift an d'Uewerstad fueren.

Geschicht

Um ënneschte Wupp vum Gronnbierg stoung bis 1871 d'Grënnesch Paart, eng Paart an der 3. Rankmauer vun der Festung. An der Géigend vun der dëser Paart huet sengerzäit e Schmadd gewunnt deen der Paart eng laang Zäit och den Numm Smyetgesporte oder Clensmytgesport ginn huet, Bezeechnungen déi schonn an Dokumenter vun 1329 a 1448 opdauchen. Den Odonym vun der Plaz ass deemno eng Referenz op deem seng Schmëdd.

Biller

• 
• 

Um Spaweck

Commons: Op der Schmëdd (Stad Lëtzebuerg) – Biller, Videoen oder Audiodateien