Rue du Rost

Um Rouscht (offiziell: rue du Rost) heescht eng Strooss an der Uewerstad vun der Stad Lëtzebuerg; se verleeft hannert dem Groussherzogleche Palais, vun der Waassergaass bis op d'Kräizung wou d'Fleeschiergaass an de Fëschmaart iwwergeet.

Rue du Rost

Numm	lb: (um) Rouscht fr: Rue du Rost
Fréieren Numm	de: Benderstraße
Längt	ca. 40 m
Land	Lëtzebuerg
Gemeng	Lëtzebuerg
Uertschaft	Lëtzebuerg
Quartier	Uewerstad
Postcode	2447
Koordinaten	49° 36’ 40.5’’ N       06° 08’ 00.2’’ O

Urspronk vum Numm

Et ass net sécher wou den Numm Rost - dee géint Enn vum 16. Joerhonnert opkoum - hierkënnt, ma den Historiker Nicolas van Werveke an de Joseph Hess ginn dës Erklärung:

Ronderëm déi fréier Nikloskierch - déi um haitege Krautmaart stoung - war e Kierfecht. Well sengerzäit d'Kierfechter net onbedéngt mat Maueren oder Glänneren ëmgi waren a fir ze verhënneren, datt Véi, Schwäin an Hénger an d'Enceinte vun der Kierch oder dem Kierfecht erakéimen an do Schied maache géifen, sinn dacks Grief gezu ginn, iwwer déi eise Staangen a Form vun engem Grill oder Véirouscht geluecht goufen. Sou soll den Numm um Rouscht sech bis haut gehalen hunn.

Gebaier

• Récksäit vum Groussherzogleche Palais
• Récksäit vum Haus 6 vun der Sigfriedstrooss, mat der Statu vum Bommenzinnes

Dëst Gebai um Rouscht dat zum Groussherzogleche Palais gehéiert, steet op der Lëscht vun de klasséierte Monumenter:

Haus- nummer	Beschreiwung	Bild
26, 30, 32	(op der Parzell 564/1670)

Biller

• 
  Récksäit vum Haus 6 vun der Rue Sigefroi
• 
  mat der Statu vum Bommenzinnes.
• 
  Récksäit vum Palais.

Um Spaweck

D'Rue du Rost an Ons Stad N° 59

Commons: Rue du Rost (Luxembourg City) – Biller, Videoen oder Audiodateien