Regierung Juncker-Poos

D'Regierung Juncker-Poos, eng Koalitiounsregierung aus CSV an LSAP, gouf de 26. Januar 1995 vereedegt, nodeems de Jacques Santer vu senger Funktioun als Premier zeréckgetruede war, fir President vun der Europäescher Kommissioun ze ginn.

Si huet aus 11 Ministeren an engem Staatssekretär bestanen.

De 4. Februar 1998 ass se ëmgebilt ginn, wéi de Marc Fischbach an de Johny Lahure demissionéiert hunn. Si goufen ersat duerch de Luc Frieden, deen dem Fischbach seng Portefeuillen iwwerholl huet, an d'Lydie Err, déi dem Georges Wohlfart seng Portefeuillen iwwerholl huet, dee sengersäits fir Gesondheet a Sport zoustänneg gouf. De Ressort vun der Ëmwelt goung un den Alex Bodry. D'Lydie Err an de Luc Frieden waren den 30. Januar 1998 vereedegt ginn.

Zesummesetzung

Vum 26. Januar 1995 bis de 4. Februar 1998

Jean-Claude Juncker (CSV): Premierminister; Staatsminister; Finanzminister; Minister fir Aarbecht
Jacques Poos (LSAP): Vizepremierminister; Ausseminister, Minister fir Aussenhandel a Kooperatioun
Fernand Boden (CSV): Minister fir Landwirtschaft, Wäibau a Ländlech Entwécklung; Minister fir de Mëttelstand, Tourismus a Wunnengsbau
Marc Fischbach (CSV): Justizminister; Budgetsminister; Minister fir d'Bezéiunge mam Parlament
Johny Lahure (LSAP): Gesondheetsminister; Ëmweltminister
Robert Goebbels (LSAP): Wirtschaftsminister; Bauteminister; Energieminister
Alex Bodry (LSAP): Minister fir Landesplanung; Arméiminister; Minister fir Sporterzéiung a Sport; Jugendminister
Marie-Josée Jacobs (CSV): Ministesch fir Famill; Ministesch fir d'Promotioun vun der Fra; Ministesch fir Handicapéierter
Mady Delvaux-Stehres (LSAP): Ministesch fir Sozialversécherung; Transportministesch; Kommunikatiounsministesch
Erna Hennicot-Schoepges (CSV): Ministesch fir Erzéiung a Beruffsausbildung; Ministesch fir Kultur; Ministesch fir Kultus
Michel Wolter (CSV): Inneminister; Arméiminister; Minister fir d'Bezéiunge mam Parlament
Georges Wohlfart (LSAP): Staatssekretär fir Aussebezéiungen, Aussenhandel a Kooperatioun; Staatssekretär fir Ëffentlech Aarbechten.

Vum 4. Februar 1998 bis de 7. August 1999

Jean-Claude Juncker (CSV): Premierminister; Staatsminister; Finanzminister; Minister fir Aarbecht
Jacques Poos (LSAP): Vizepremierminister; Ausseminister, Minister fir Aussenhandel a Kooperatioun
Fernand Boden (CSV): Minister fir Landwirtschaft, Wäibau a Ländlech Entwécklung; Minister fir de Mëttelstand, Tourismus a Wunnengsbau
Robert Goebbels (LSAP): Wirtschaftsminister; Bauteminister; Transportminister; Energieminister
Alex Bodry (LSAP): Minister fir Landesplanung; Arméiminister; Ëmweltminister; Jugendminister
Marie-Josée Jacobs (CSV): Ministesch fir Famill; Ministesch fir d'Promotioun vun der Fra; Ministesch fir Handicapéierter
Mady Delvaux-Stehres (LSAP): Ministesch fir Sozialversécherung; Transportministesch; Kommunikatiounsministesch
Erna Hennicot-Schoepges (CSV): Ministesch fir Erzéiung a Beruffsausbildung; Ministesch fir Kultur; Ministesch fir Kultus
Michel Wolter (CSV): Inneminister; Minister fir Ëffentlech Verwaltung a Verwaltungsreform
Georges Wohlfart (LSAP): Gesondheetsminister; Minister fir Sporterzéiung a Sport
Luc Frieden (CSV): Justizminister; Budgetsminister; Minister fir d'Bezéiunge mam Parlament
Lydie Err (LSAP): Staatssekretärin fir Aussebezéiungen, Aussenhandel a Kooperatioun; Staatssekretärin fir Ëffentlech Aarbechten.

Um Spaweck

Thewes, Guy: Les gouvernements du Grand-Duché de Luxembourg depuis 1848, ISBN 2-87999-118-8
Le gouvernement du Grand-Duché de Luxembourg 2013, Service information et presse du gouvernement (2014)
Le gouvernement du Grand-Duché de Luxembourg 2018 , Service information et presse du gouvernement (2019)