Pol Belardi
De Pol Belardi, gebuer de 24. Abrëll 1989 zu Esch/Uelzecht, ass e polyvalente lëtzebuergeschen Jazzmuseker, Bassist, Kontrabassist, Vibrafonist, Pianist, Batteur a Perkussionist. A senger Jugend huet hie Musek vu Videospiller transkribéiert an nei arrangéiert.
| Pol Belardi | |
|---|---|
 | |
| Gebuer |
24. Abrëll 1989 Esch-Uelzecht |
| Nationalitéit | Lëtzebuerg |
| Aktivitéit | Jazzmuseker, Bassist, Kontrabassist, Vibraphonist, Pianist, Batteur, Perkussionist, Enseignant |
 | |
Studium
ännerenDe Pol Belardi huet säi Secondaire am Lycée Hubert-Clément zu Esch/Uelzecht (2001-2005) an am Stater Kolléisch (2005-2008) gemaach.
Seng musikalesch Ausbildung heizuland krut hien um Escher Conservatoire (Solfège, Percussioun, Jazzpiano, Kammermusek, Schlogezei, Piano, Kontrabass, Harmonie) an um Stater Conservatoire (Jazzpiano, Jazz-Bass-Gittar). Seng universitär Ausbildung huet hie vun 2008-2011 um Conservatoire royal de Bruxelles (Jazzpiano, Jazz-Bass-Gittar) a vun 2011-2014 um Conservatorium van Amsterdam (Jazz-Bass-Gittar) absolvéiert. Zu Amsterdam huet hien 2014 säi Master of Music mat "cum laude" ofgeschloss.
Hien huet Formatiounen a Masterclassen bei enger Rei vu bekannte Museker suivéiert, ë. a.: Simone Rebello, Jean Geoffroy, Mike Mainieri, Andy Sheppard, Matthew Garrison, Reggie Washington, Kai Eckhardt,Vijay Iyer, Dominique diPiazza an Dick Oatts.
Enseignement
ännerenDe Pol Belardi enseignéiert Bass-Gittar, Jazzpiano, Jazztheorie, Solfège, Percussioun a verschiddene Museksschoulen zu Lëtzebuerg (Déifferdenger, Iechternacher a Péitenger Museksschoulen) an am Lycée technique d'Esch-sur-Alzette.
Karriär
ännerenDe Pol Belardi ass a follgende Länner opgetrueden (Stand 2018): Lëtzebuerg, Belsch, Frankräich, Däitschland, Holland, Slowakei, Polen, Italien, Portugal, Schwäiz, Griicheland, Zypern, Tierkei, Dänemark, USA, Kanada, China, Korea, Japan an Indien.
Hien animéiert véier Radiossendungen um soziokulturelle Radio 100,7, zesummen ë. a. mat dem lëtzebuergeschen Jazzmuseker Pit Dahm, Blue Note, Hidden Jazz Gems, Jazz Revisited an Jazz Unrevealed.
Banden
ännerenLeader
änneren- Force: e moderne Jazzquartett/Quintett
- Urban Voyage: en 11-deelege Crossover-Mammutprojet mat Sëtz zu Amsterdam.
Member
änneren- DillenDub: Co-Lead-Elektro-Groove-Jazz-Trio.
- klein. (Vibrafon, Synthesizer)
Sideman
änneren- Pascal Schumacher (um Bass)
- MetroMara (DE) (um Bass)
- Little Known Facts (NL) (um Bass)
- Nelson Ogliastri: Birth and Death of a Star (um Vibraphon)
Präisser
änneren- 2024 – Lëtzebuerger Musekspräis an der Kategorie „Jazz/World music“[1]
- 2014 – Laureat vun Keep an Eye “The Records” Amsterdam
- 2014 – Pol Belardi’s Urban Voyage: Präis vun der Stiftung zur Förderung junger Künstler in Mamer.
- 2013 – Criss Cross Europe (vun music:lx selektionéiert)
- 2012 - Rotary-Musekspräis Esch-Uelzecht (Promotioun Nr. 2)
- 2012 - XL-Jazz Brussels, mat The Unrevealed Society
- 2012 – Jong Jazztalent Gent, mat The Unrevealed Society
- 2012 – Kompositiounsconcours vum Orchestre national de jazz du Luxembourg (Seng Kompositioun Spring ass ënnert de Gewënner)
- 2012 – Prinses Christina Jazz Concours Amsterdam, mat dem Floris Kappeyne Trio
Diskographie
ännerenAls Bandleader / Co-Leader
änneren- 2017 - Pol Belardi's Force, Creation/Evolution. Challenge Records
- 2016 - Pol Belardi's Urban Voyage. Unit Records
- 2014 - 4s, Delusions Of Grandeur. EMME Produzioni Musicali
- 2014 - dillendub
- 2013 - 4s, Force
- 2012 - theCARPS’, Gaia
Als Sideman
änneren- 2014 - Charlotte, Inner Ghosts
- 2014 - Pascal Schumacher, Left Tokyo Right. Laborie Jazz
- 2014 - Nelson Ogliastri, Birth & Death of a Star
- 2014 - Little Known Facts, In Search of the New Temple
- 2014 - Metromara, Cycle EP. Hey!jazz
- 2013 - Charlotte, Daylight EP
Kuckt och
ännerenUm Spaweck
änneren| Commons: Pol Belardi – Biller, Videoen oder Audiodateien |
Referenzen an Notten
änneren- ↑ (fr)Succès total pour la deuxième édition des Lëtzebuerger Musekspräisser. mcult.gouvernement.lu (20.12.2024). Gekuckt de(n) 21.12.2024.