Nothomb

Dësen Artikel beschäftegt sech mat der Uertschaft Nothomb (Noutem). Fir Leit mat deem Familljennumm, kuckt wgl. Nothomb (Homonymie).

Nothomb, op Lëtzebuergesch Noutem, ass eng belsch Uertschaft am Areler Land an der Provënz Lëtzebuerg.

Nothomb lb: Noutem
Aussprooch
Land	Belsch
Regioun	Wallounien
Communautéit	Franséisch Communautéit
Provënz	Lëtzebuerg
Arrondissement	Arel
Gemeng	Atert
Koordinaten	49° 46’ 18’’ N       05° 47’ 16’’ O
Telefonszon	063
Postcode	6717

D'Uertschaft läit op enger Héicht vu ronn 330 m, am Dall vun der Noutemer Baach.

Bis zur belscher Gemengereform vun 1977 war Noutem eng eegestänneg Gemeng.

Geschicht

D'Gemeng

Ënner dem franséische Regime hat Noutem mat Atert fusionéiert.

1839 gouf Noutem beim Grand-Duché gelooss, koum awer 1843, wéi d'Grenzmaarke placéiert goufen, dach op déi belsch Säit.

1923 hunn Noutem a Parette sech vun Atert lassgesot, a bis 1977 eng eegestänneg Gemeng forméiert.

D'Par

D'Par vun Noutem gouf 1808 frësch ageriicht, an huet deemools, wéi de ganzen Département des Forêts, zum Bistum Metz gehéiert. 1823 koum d'Par bei de Bistum Namouer.

D'Kierch Exaltation de la Ste-Croix ass déi drëtt Kierch zu Noutem. Vun der éischter ass bekannt, datt se 1829 frësch opgeriicht gouf, duerno gouf op enger anerer Plaz, tëscht 1906 an 1907, eng nei Kierch vun der Gemeng gebaut (Arrêté royal vum 31.07.1905). Déi haiteg Kierch ass vun 1971 a gouf op enger Plaz nieft där vu virdrun opgeriicht.

D'Kierch vun Noutem

Um Spaweck

Commons: Nothomb – Biller, Videoen oder Audiodateien