Haaptmenü opmaachen

De Maurice Benoy, gebuer den 28. Juni 1921 zu Stengefort a gestuerwen de 15. Juli 1987 war e lëtzebuergesche Moler, Graphiker, Plakatist a Grënner vun der éischter Lëtzebuerger Publicitéitsagence.

BiographieÄnneren

Säi Secondaire huet hien am Iechternacher Kolléisch an an der Industrieschoul gemaach. Am Zweete Weltkrich war hien Zwangsrekrutéierten. No engem Urlaubsopenthalt zu Lëtzebuerg ass hien net méi hannescht gaangen, an huet sech verstoppt bis no der Liberatioun.

Nom Krich ass hien op Paräis Architektur an Urbanismus op d'École centrale d'architecture studéiere gaangen. No zwee Joer huet hien d'Schoul gewiesselt an huet an der École nationale supérieure des beaux-arts (ENSBA) Molerei geléiert. Während deene Jore war hie reegelméisseg am Atelier vum bekannte franséische Graphiker an Affichiste Paul Colin. Am Salon des Indépendants ass hien 1948 mat zwou Nature morte priméiert ginn.

1949 koum hien op Lëtzebuerg zréck a war duerno eng Zäit laang Chargé de Cours an der Handwierkerschoul.

1954 huet en déi éischt Publicitéitsagence (haut: Publicité Benoy) zu Lëtzebuerg gegrënnt. Während Joren huet hien d'Pläng vun de Lëtzebuerger Stänn, vum Wirtschafts- an Tourismusministère, op den internationalen Ausstellungen ausgeschafft.

FräizäitbeschäftegungÄnneren

Enn de véierzeger Jore war hien och Fotoreporter, haaptsächlech am Beräich vum Sport. Zu gudder Lescht huet hie sech virun allem dem Automobilsport zougewannt. Hien huet den MG Club gegrënnt an dat éischt Biergrennen zu Bur mat organiséiert. Hie war och Matgrënner vun der Ecurie Luxembourg, wouvun hie vun 1959 während 20 Joer President war. Am Karting war hie souguer e puermol Lëtzebuerger Meeschter. 1977 krut hie vum Sportsministère den Ordre national de la Médaille du Mérite Sportif.

Seng WierkerÄnneren

Kuckt ochÄnneren