Lëtzebuerger Theaterpräisser

D'Lëtzebuerger Theaterpräisser ass eng Serie vu véier Theaterpräisser déi 2021 zu Lëtzebuerg vum Kulturministère an d'Liewe geruff goufen an déi all zwee Joer vergi ginn. D'Kreatioun vun de Präisser geet op eng laangjäreg Fuerderung vum Theatersecteur zeréck, dee sech fir eng Opwäertung vun den Theaterberuffer duerch eng méi grouss ëffentlech Unerkennung asetzt.

Jury

2021

D'Jury vun der éischter Editioun vun den Theaterpräisser huet sech aus follgende Persounen zesummegesat, déi vum Kulturministère nominéiert goufen: Vesna Andonovic (Kritikerin), Nickel Bösenberg (Acteur), Josée Hansen (Kulturministère), Claude Mangen (President vun der Theater Federatioun) a Sarah Rock (Dramaturg). E gouf an enger gemeinsamer Zeremonie mam Lëtzebuerger Danzpräis de 17. September 2021 am Kapuzinertheater verdeelt.

Kategorien

Nationalen Theaterpräis

Den nationalen Theaterpräis ass mat 10.000 Euro dotéiert.

Joer	Laureat(en)	Bemierkung
2021	Frank Feitler	Dramaturg, Theaterregisseur an –direkter

Op der Bün

Den Theaterpräis Op der Bün ass mat 4.500 Euro dotéiert.

Joer	Laureat(en)	Bemierkung
2021	Marie Jung, François Camus	Schauspillerduo fir La Peste

Hannert der Bün

Den Theaterpräis Hannert der Bün ass mat 4.500 Euro dotéiert.

Joer	Laureat(en)	Bemierkung
2021	Anouk Schiltz	Zeenographin a Costumedesignerin

Nowuesstalent

Den Theaterpräis Nowuesstalent ass mat 3.500 Euro dotéiert.

Joer	Laureat(en)	Bemierkung
2021	Catherine Elsen	Rollendesignerin an Actrice

Kuckt och

• Lëtzebuerger Filmpräis

Um Spaweck

• Argumentaire vum Jury fir d'Laureate vun den éischte Lëtzebuerger Theaterpräisser 2021 op gouvernement.lu (2021-09-18), gekuckt den 2021-09-28