Kierch Conter

D'Kierch vu Conter ass eng kathoulesch Kierch, déi zur Par Iewescht Syr Saint-Esprit, zum Dekanat Osten an zu der Gemeng Conter gehéiert.

Kierch vu Conter
Uertschaft / Plaz	Conter
Par	Par Iewescht Syr Saint-Esprit
Dekanat	Osten
Numm / Patréiner	Helleg Bäerbel
Konsekratioun	05.07.1879
Architekt(en)	Th. Eberhard
Baujoer	1782 - 1788
Koordinaten	49° 35’ 06.2’’ N       06° 13’ 40.3’’ O
Kierchen - Kapellen

Patréinesch vun der Kierch ass d'Helleg Bäerbel, där hiert Fest de 4. Dezember gefeiert gëtt.

D'Kierch steet op der Mutferter Strooss, dem CR234, op der Kräizung mat der Place de la Mairie. Hanner der Kierch ass de Kierfecht ugeluecht.

Geschicht

D'Parkierch vu Conter ass zanter 1128 dokumentéiert. 1782 ass de Blëtz dran ageschloen a s'ass verbrannt. Déi haiteg Kierch gouf zum gréissten Deel an de Jore 1782-1788 gebaut. Am Joer 1843 ass se vum Architekt Théodore Eberhard vergréissert ginn. Aner Verännerunge koumen no; 1955 gouf e Virbau un d'Entréesportal gebaut.

Uergel

Déi nei Uergel gouf den 20. Juni 2004 ageweit; et ass eng vun der Uergelmanufaktur Weimbs vun Hellenthal aus der Äifel. Se huet 15 Regësteren an 2 Manualer. D'Intonatioun staamt vum Friedbert Weimbs.

Kräizwee

De Kräizwee ass aus dem Joer 1969 a gouf vum Sculpteur Emile Hulten geschnëtzt.

Grafsteng

Am Chouer op der lénkser Säit sti véier Grafsteng vun den Adelsfamille von Metternich, Metzenhausen a Feltz aus dem 16. Joerhonnert.

Biller

• 
  D'Kierch vu Conter
• 
  Den Haaptaltor
• 
  D'Uergel
• 
  D'Helleg Walpurga, Patréinesch vun der Kierch
• 
  Statioun aus dem Kräizwee

Kuckt och

• Lëscht vu reliéise Gebaier zu Lëtzebuerg
• Lëscht vun de Lëtzebuerger Paren
• Lëscht vun de fréiere Lëtzebuerger Paren

Um Spaweck

Commons: Kierch Conter – Biller, Videoen oder Audiodateien

• Websäit vum Parverband Nei Par Sektor Ost
• D'Fënstere vun der Kierch vu Conter op der Websäit vun der Stiftung Forschungsstelle Glasmalerei des 20. Jh. e. V. (de)
• D'Uergel vun der Kierch op Orgues.lu