Kierch Baastenduerf

D'Kierch zu Baastenduerf ass eng kathoulesch Kierch, déi zur Par Parc Our Saint-Nicolas zum Dekanat Norden an zu der Gemeng Tandel gehéiert.

Kierch vu Baastenduerf
Parkierch vu Baastenduerf (2014) Parkierch vu Baastenduerf (2014)
Uertschaft / Plaz	Baastenduerf
Par	Parc Our Saint-Nicolas
Dekanat	Norden
Numm / Patréiner	Hl. Gangolf
Konsekratioun	1950
Architekt(en)	Schmit-Noesen
Baujoer	1950
Koordinaten	49° 53’ 26.8’’ N       06° 09’ 52.9’’ O
Kierchen - Kapellen

De Patréiner vun der Kierch ass den hellege Gangolf, deem säi Fest den 11. Mee gefeiert gëtt.

D'Kierch steet am Duerfzentrum op der Haaptstrooss, dem CR353, nieft dem Gemengenhaus.

Den 21. Juni 2017 gouf se als nationaalt Monument op d'Lëscht vun de klasséierte Monumenter agedroen.

Zur fréierer Par Branebuerg huet ausser der Parkierch vu Baastenduerf och nach d'Kapell vun Tandel gehéiert.

Geschicht

Déi al, dräischëffeg Kierch vu Baastenduerf gouf 1853 no Pläng vum Architekt Koenig vun Dikrech gebaut.

Am Zweete Weltkrich gouf se wärend der Ardennenoffensiv awer sou staark beschiedegt, datt eng nei Kierch no de Pläng vum Architekt Nicolas Schmit-Noesen vun der Firma J. Bauler vun Esch-Uelzecht gebaut gouf.

Déi nei Kierch gouf de 17. Mee 1950 vum Bëschof-Koadjutor Léon Lommel a Presenz vum Minister Pierre Frieden a vum Chamberpresident Émile Reuter konsekréiert.

Uergel

Zanter 1997 steet an der Kierch eng digital Uergel vum Typ Ahlborn Hymnus III mat zwéi Manualen an enger Pedall.

Kuckt och

• Lëscht vu reliéise Gebaier zu Lëtzebuerg
• Lëscht vun den nationale Monumenter an der Gemeng Tandel
• Lëscht vun de Lëtzebuerger Paren
• Lëscht vun de fréiere Lëtzebuerger Paren

Um Spaweck

Commons: Kierch Baastenduerf – Biller, Videoen oder Audiodateien

• Websäit vum Parverband Veianen
• D'Fënstere vun der Kierch vu Baastenduerf op der Websäit vun der Stiftung Forschungsstelle Glasmalerei des 20. Jh. e. V. (de)