Kanton Veianen


De Kanton Veianen ass ee vun den zwielef Lëtzebuerger Kantonen. E läit am Nordoste vum Land.

Kanton Veianen
Kanton ViandenLocatie.png
Land Lëtzebuerg
Chef-lieu Veianen
Fläch 54,08 km²
Awunner 5.510
Héicht (Moyenne) 372 m

E grenzt am Norden un de Kanton Klierf, am Osten un Däitschland an am Westen a Süden un de Kanton Dikrech.

Déi dräi Gemengen am Kanton sinn:

  1. Coat of arms putscheid luxbrg.png Pëtscht
  2. Coat of arms tandel luxbrg.png Tandel
  3. Blason de Vianden.svg Veianen

HistoriqueÄnneren

De Kanton Veianen gouf duerch Gesetz vum 4. Abrëll 1851[1] als zwielefte Kanton vu Lëtzebuerg an d'Liewe geruff.

De Kanton huet sech aus der Stad Veianen, an aus der Gemeng Furen, déi allebéid virdrun zum Kanton Dikrech gehéiert hunn, an aus der Gemeng Pëtscht déi zum Kanton Klierf gehéiert huet, zesummegesat.

Gläichzäiteg krut Veianen e Friddensgeriicht a gouf Kantonalhaaptuert.

Duerch d'Fusioun vun de Gemenge Bastenduerf, aus dem Kanton Dikrech, a Furen, aus den Kanton Veianen, zu der neier Gemeng Tandel, huet Fläch vum Kanton sech ëm ronn 24 km² vergréissert[2].

Kuckt ochÄnneren

ReferenzenÄnneren

  1. Loi du 4 avril 1851, N° 310, portant établissement d'un canton de justice de paix, à Vianden, publizéiert am Mémorial Nr 26 vum 11 Abrëll 1851, S. 293
  2. Fusiounsgesetz vun der Gemeng Tandel