Kabespäipel

De Kabespäipel (Pieris brassicae) ass e Päiperlek (Dagpäiperlek) aus der Famill vun de Pieridae.

Kabespäipel
Kabespäipel (Pieris brassicae) ♀ Kabespäipel (Pieris brassicae) ♀
Systematik
Räich: Déiereräich (Animalia) Stamm: Arthropoden (Arthoropda) Klass: Insekten (Insecta) Uerdnung: Päiperleken (Lepidoptera) Famill: Pieridae Ënnerfamill: Pierinae Gattung: Pieris
Wëssenschaftlechen Numm
Pieris brassicae (Linnaeus, 1758)

Eeër op engem Kabes

Raup

Popp

Op Lëtzebuergesch gëtt e Kabespäipel oder Kabesfrësser^, genannt, op Däitsch Großer Kohlweißling, op Franséisch Piéride du chou an op Englesch Large white.

De Kabespäipel ass wäit verbreet a kënnt heefeg vir tëscht Nordafrika a Fennoskandinavien.

D'Imagines erreechen eng Spanwäit vun de Flilleke vu 60 Millimeter. D'Ecke vun de viischte Flilleke si schwaarz.

• 
  Pieris brassicae ♂
• 
  Pieris brassicae ♂ △
• 
  Pieris brassicae ♀
• 
  Pieris brassicae ♀ △

Tëscht Mee a Juni leet d'Weibche ronn 100 Eeër a Kludderen op der ënneschter Säit vun der Wiertsplanzen. No ronn zwou Woche kommen do gielzeg-gréng a schwaarz gefleckte Raupen eraus. Dës erniere sech virun allem vu Kabes (Brassica) an anere Kräizbléiegewächser (Brassicaceae), dohier den Numm vum Déier. D'Raup gëtt Kabesmued, -raup oder -schësser genannt. Wa se no 3 bis 4 Wochen eng Längt vu bis zu 40 Millimeter erreecht hunn, verpoppe se sech. D'Hierschtgeneratioun iwwerwantert als Popp.

Literatur

• Tom Tolman, Richard Lewington: Die Tagfalter Europas und Nordwestafrikas, Franckh-Kosmos Verlags-GmbH & Co, Stuttgart 1998, ISBN 3-440-07573-7
• Hans-Josef Weidemann: Tagfalter: beobachten, bestimmen, Naturbuch-Verlag Augsburg 1995, ISBN 3-89440-115-X

Um Spaweck

Commons: Pieris brassicae – Biller, Videoen oder Audiodateien

• Lepiforum e. V. Taxonomie a Fotoen