Immateriellt Kulturierwen

Als immateriellt Kulturierwen bezeechent d'UNESCO Bräich, Opféierungen, Ausdrocksweisen, Uluechten, Wëssensschätz a Fangerfäerdegkeeten, déi d'Mënsche selwer als Deel vun hirer kultureller Ierfschaft ugesinn. Mat derzou gehéieren och d'Saachen an d'Plazen, d'Geschier an d'Gezei, déi ee brauch, fir déi Traditiounen um Liewen z'erhalen. Vu Generatioun zu Generatioun gëtt déi Ierfschaft ëmmer nei vun hiren Ierwen erschaf, am Zesummespill mat hirem jeeweilegen Ëmfeld, hirer Geschicht an der Natur.

Den UNESCO-Logo vum immaterielle Kulturierwen

UNESCO-Lëscht

Op der UNESCO-Lëscht vum immaterielle Kulturierwen zu Lëtzebuerg stinn:

• d'Iechternacher Sprangpressessioun, zanter November 2010
• d'Haupeschbléiser, zanter Dezember 2020

National Lëscht

Um nationalen Inventar vum immaterielle Kulturierwe stinn:

Kategorie: Gesellschaftlech Bräich, Riten, a Festlechkeeten

• d'Iechternacher Sprangpressessioun
• d'Schueberfouer mat hirem Hämmelsmarsch
• d'Éimaischen
• d'Oktav zu Éiere vun der Muttergottes vu Lëtzebuerg
• den Niklosdag
• de Léiffrawëschdag
• de Bäerbelendag
• d'Klibbere goen

Kategorie: Kënschtleresch Ausdrocksforme viru Publikum

• d'Haupeschbléiser
• d'Lëtzebuerger Volleksdänz

Kategorie: Mëndlech Iwwerliwwerungen an Ausdrocksweisen

• d'Haus- a Flouernimm

Kategorie: Wëssensschätz a Bräich, déi d'Natur an den Universum betreffen

• d'Hiewanskonscht – d'Konscht vun der Gebuertshëllef
• d'Fléizen - déi landwirtschaftlech Technik fir Grief unzeleeën, fir d'Wisen ze bewässeren
• d'Wanderschéiferei

Kategorie: Geschécklechkeete vum traditionellen Handwierk

• d'Konscht vum Dréchemauerbauen

Kuckt och

• Weltierwen

Um Spaweck

• Immateriellt Kulturierwen zu Lëtzebuerg
• Intangible Cultural Heritage by UNESCO