Hausnumm
Numm vun engem Haus, Haff oder Bauerewiesen, dee sech op d'Awunner dovun iwwerdroen huet
En Hausnumm ass den Numm vun engem Haus, Bauerenhaff oder -wiesen, dee sech z. D. bis haut op d'Awunner dovun iwwerdroen huet. Meeschtens war dat de (Vir)numm oder och alt de Beruff vun engem fréiere Besëtzer, geleeëntlech och eng Charakteristik vum Haus selwer.
Dacks ass den Hausnumm an enger Genitivform (d. h. mat -esch oder -s(sen) um Enn). Och gëtt en heefeg mat der Prepositioun „A(n)“ verbonnen, wéi z. B. beim haitege Wäibaumusée „A Possen“.
Fréier war op den Dierfer den Hausnumm dee gängegen Numm mat deem d'Leit ausernee gehale goufen, de Familljennumm war just fir offiziell Geleeënheeten.
Zanter dem 29. Juli 2019 gehéieren d'Haus- an d'Flouernimm zur nationaler Lëscht vum immaterielle Kulturierwen zu Lëtzebuerg.[1]
Um Spaweck
änneren- D'Haus- a Flouernimm op iki.lu, der Websäit vum immaterielle Kulturierwen zu Lëtzebuerg (gekuckt de 17. Abrëll 2022)
Referenzen
änneren- ↑ Dës Initiativ goung vum Jérôme Reuter a vum Jean Ensch aus: "Dossiers" op mouvement-patrimonial.lu (nogekuckt: 28.08.2024).