Ierpeldeng (Ettelbréck)

Ierpeldeng
Ierpeldeng
	Vue op Ierpeldeng
An anere Sproochen	fr: Erpeldange-sur-Sûre; de: Erpeldingen-an-der-Sauer
Land	Lëtzebuerg
Kanton	Dikrech
Gemeng	Ierpeldeng op der Sauer
Buergermeeschter	Claude Gleis
Awunner	1.095
	1. Januar 2023
Koordinaten	49° 51’ 46’’ N; 06° 06’ 46’’ O

Dësen Artikel beschäftegt sech mat Ierpeldeng bei Ettelbréck. Fir aner Uertschaften, déi sou heeschen, kuckt wgl. Ierpeldeng.

Ierpeldeng ass eng Uertschaft am Kanton Dikrech an Haaptuert vun der Gemeng Ierpeldeng op der Sauer.

Geographie

Ierpeldeng läit am Sauerdall am Zentrum vun der Nordstad, net wäit vun Ettelbréck an Dikrech, op enger Héicht vun ongeféier 200 m. Geologesch läit d'Uertschaft op der Linn, déi d'Devon-Schichte vun den Ardennen am Norden (Éislek) vun den Trias-Schichten am Süden (Guttland) trennt.

Geschicht

D'Géigend vun Ierpeldeng war schonn zu gallo-réimeschen Zäite bewunnt. Op Angelduerfer Terrain, net wäit weg vum Zesummefloss vu Sauer an Uelzecht, weise Spueren op e réimesche Castrum hin. Wéi vill Dierfer, deenen hiren Numm op "-ingen" endegt, gouf Ierpeldeng (Erpeld-ingen) tëscht dem 6. an dem 9. Joerhonnert gegrënnt, wéi d'Franke sech an eiser Géigend néiergelooss hunn.

Ierpeldeng daucht fir d'éischt a schrëftlecher Form an engem Akt vun 1247 op, wou d'Rittere Frédéric a Gérard vun Ierpeldeng genannt ginn.

Ierpeldenger Schlass

D'Ierpeldenger Schlass gouf am 12. Joerhonnert als Waasserbuerg gebaut. Haut ass et de Sëtz vun der Ierpeldenger Gemengeverwaltung. Méi Informatioun doriwwer am Artikel: Ierpeldenger Schlass.

Kuckt och

Um Spaweck

Commons: Ierpeldeng – Biller, Videoen oder Audiodateien

Offiziell Säit vun der Gemeng Ierpeldeng
Syvicol
Websäit vum Club des Jeunes Ierpeldeng
Websäit vun der Concordia Ierpeldeng
D'Gesetz iwwer d'Kreatioun vun de Gemenge Schieren an Ierpeldeng Loi du 22 janvier 1850 qui érige deux nouvelles communes, l'une sous le nom de Schieren et l'autre sous le nom d'Erpeldange