Galaktesche Quadrant
E galaktesche Quadrant oder Quadrant vun der Galaxis bezeechent ee vun de véier Kreessecteuren als Andeelung vun der Mëllechstrooss.
Quadranten am galaktesche Koordinatesystem
ännerenAn der astronomescher Praxis ginn d'galaktesch Quadranten am galaktesche Koordinatesystem mat hëllef vun der Sonn als Pol festgeluecht (aus praktesche Grënn amplaz vum galakteschen Zentrum), well all astronomesch Observatiounen, vu Mënsche bis haut vun der Äerd oder vum Sonnesystem ausginn.
Ofgrenzung
ännerenQuadrante gi mat Ordinalzuele bezeechent, zum Beispill "1. galaktesche Quadrant", "zweete galaktesche Quadrant" oder "drëtte Quadrant vun der Galaxis". Aus dem Norde betruecht, ergi sech déi galaktesch Pole vun 0 Grad (°) aus als Stral, dee vun der Sonn aus duerch de galakteschen Zentrum leeft. Dono ginn d'Quadranten nees wéi follegt festgeluecht:
- 1. galaktesche Quadrant – 0° ≤ ℓ ≤ 90°
- 2. galaktesche Quadrant – 90° ≤ ℓ ≤ 180°
- 3. galaktesche Quadrant – 180° ≤ ℓ ≤ 270°
- 4. galaktesche Quadrant – 270° ≤ ℓ ≤ 360° (0°)
Visualitéit vun de Quadranten
änneren
Wéinst der Ausriichtung vun der Äerd a Bezuch op de Rescht vun der Galaxis ass den zweete galaktesche Quadrant an éischter Linn vun der Nordhallefkugel ze gesinn, wärend de véierte meeschtens nëmme vun der südlecher Hemisphär siichtbar ass. Dofir ass d'Andeelung no Quadranten an der Reegel éischter praktesch fir Amateur-Astronomen, allerdéngs sinn doduerch international astronomesch Organisatiounen net un den Äerd-Horizont gebonnen.
Vun der Äerd aus kann een duerch follgend Haaptkonstellatiounen (als graff Orientéierung) d'Grenze vun de Quadranten erkennen:
- No 0° kuckt een, wann een a Richtung vum Stärebild Sagittarius kuckt.
- No 90° kuckt een, wann een a Richtung vum Stärebild Cygnus kuckt.
- No 180° kuckt een, wann een a Richtung vum Stärebild Auriga kuckt.
- No 270° kuckt een, wann een a Richtung vum Stärebild Vela kuckt.